兩人在新劇《i .Swim》中飾演游泳健將。
MIRROR成員呂爵安（Edan）及邱士縉（Stanley）今日出席ViuTV原創劇《i .Swim》開鏡儀式，兩人在劇中均飾演游泳健將， Edan指現實中自初中後已冇游過水，雖然本身識游水但不敢認叻，開劇前有加操，不知道出來效果如何，但會盡力做。
Edan笑指Stanley似阿Sir多過似學生。
Stanley表示從未正式學過游泳，只是自學，幸好導演指游泳速度無須擔心。談到擁健碩身形的他要否操練？他表示要減少少，因為飾演學生不可以太大隻。Edan則謂每日只食蛋同番薯，放工返家後也會做gym操練，又指戲中有少少愛情線，但係好純情，連錫嘴同拖手都冇。
劇中一眾男演員都有游水鏡頭，吳海昕就不用。
兩人均扮演學生，但Edan笑指Stanley似阿Sir多個學生，Stanley坦言喜歡挑選演技，究竟如何以31歲演繹學生，不過初時被指是阿Sir都有點不開心，不過只要不要站在Edan身旁就得，希望稍後要拍游泳戲不用穿校服會更好。
拍攝前，Edan要加操泳術，Stanely就要減少少磅。
此外，提到Edan日前在社交網分享以女裝亮相的合成片段，更自封「女爵安」。他表示粉絲傳送給他，還笑稱初時也認不出自己。Stanley笑指Edan的女裝扮相嘔心，不過Edan搞笑指Stanley初時對他動情又動心，當發現是他本人就接受不了而崩潰，才會留言嘔心的圖案。
Edan Chok晒靚仔樣。資料圖片
另外，剛度過31歲生日的Stanley表示女友Alina原本想給他一個驚喜，就是叫朋友到其家中佈置，他說：「因為工作調動，她以為我開工，收工後我同Jeremy在家中時，就聽到按門鐘聲，但正日生日跟女友過二人世界。」
MIRROR衝出香港。
MIRROR前晚（11日）抵達紐約為今日（13日）在UBS Arena舉行的巡唱作準備，騷前12子更應當地FOX及CNN電視台邀請接受訪問，共由Anson Lo、Ian陳卓賢及「大表哥」Stanely邱士縉全程用流利英語回答。
MIRROR前晚抵達紐約，大批粉絲應援偶像
MIRROR亦到CNN接受訪問
於FOX 《Good Day New York》7分鐘的訪問環節內，前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時，Anson Lo先表示感受到粉絲對他們的支持，令他們感到非常溫暖同被愛戴，意想不到地見到咁多鏡粉接機。而當主持問及有無四圍行或者食下Pizza，Ian就話只是剛下機，睡了兩小時便急不及待到FOX接受訪問。被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」
前半段先表演新歌《DAY 0》
Stanley表示最想同Dame D.O.L.L.A合作
Anson Lo全程流利英語回答
Ian 都係英文擔當之一
大表哥英文都幾好
有網民睇完訪問指對MIRROR另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。
事後，12子表示感到非常榮幸可以接受FOX《Good Day New York》訪問，而Anson Lo更表示「好奇妙」，「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」而Edan亦說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」
