宋宛穎自爆靠大美人師姐李嘉欣啟發急才 梁凱晴開行Turbo提升自信

12強佳麗已經誕生！

《2021香港小姐競選》經過重重挑戰，12強佳麗於上周日（22日）晚誕生，決賽將於9月12日（星期日）隆重舉行。今屆佳麗無論外貌、學歷、才藝、身段以及意志力等多方面均競爭激烈，為了爭取更多支持，一眾佳麗完成準決賽後馬上拍片「拉票」，回顧決賽表現之餘，並承諾決賽當日做得更好。

在準決賽當晚憑藉在問答環節的突出表現成功彈出的8號宋宛穎及10號楊培琳，均謙稱沒有急才，故對自己「情急智生」大感驚訝。宋宛穎分別以「淡雪草苺」、「香印提子」、「蘋果」三種不同生果形容大會評判朱玲玲、王幼倫及余錦基，她透露全靠師姐李嘉欣啟發靈感：「當年李嘉欣師姐被問到咩食物最能代表香港小姐，佢答話燕窩，因為燕窩矜貴又有氣質。」她又指其實自己當晚表現緊張，為了在決賽日克服心理障礙，故會事前進行口才特訓：「我會自言自語同埋自己同自己講多啲嘢。

8號宋宛穎因為在準決賽問答環節表現出色，熱門指數大升。

王幼倫

朱玲玲

余錦基

宋宛穎話全靠李嘉欣師姐啟發，佢問答環節先咁有靈感。

楊培琳亦直指自己準決賽表現緊張，主要是因為廣東話講得不好，故會在決賽前夕加強練習廣東話增添自信，並有信心自己可繼續進步。

10號楊培琳喺問答環節同樣表現出色，所以令人留下深刻印象，但佢話其實因為廣東話講得唔夠標準，所以自己當晚有啲緊張。

至於熱門佳麗4號關楓馨及15號梁凱晴則異口同聲指自己準決賽表現未夠放鬆，關楓馨透露有反覆思考準決賽表現，汲取經驗及教訓希望決賽表現更好；梁凱晴則笑言完成比賽後，收到大批好友鼓勵指其表現淡定，但其實「自己知自己事」，她展望決賽能進入「快手快腳」模式，她說：「例如換衫、換妝、走位我都希望自己做得快啲，咁樣就可以爭取時間平復心情同埋展現更淡定同自信嘅自己。」另一熱門佳麗3號陳聖瑜，則指決賽致勝策略是繼續努力Keep弗，讓身段維持最完美狀態。

4號關楓馨話自己不斷反思準決賽表現，希望汲取到經驗等決賽當晚表現再好啲。

15號梁凱晴話好多朋友Send message話佢準決賽表現淡定。

3號陳聖瑜話決賽前夕會努力保持完美體態增添勝算。

主持們由頭吃到尾用「食」來完美結束《吃貨橫掃深圳》

一共六集旅遊飲食節目《中國建設銀行(亞洲)呈獻：吃貨橫掃深圳》，17日10 點半翡翠台播映最後一集。由陸浩明（6號）、彭慧中、林秀怡及梁凱晴擔任主持，北上深圳四出覓食，帶來滋味又好玩的攻略之餘，更到港人掃貨新熱點、倉庫式超市搜羅網上大熱產品，並為大家「開箱試伏」。

（左起）6號、梁凱晴、林秀怡、彭慧中

17晚播出的第六集，主持們由頭吃到尾用「食」來完美結束《吃貨橫掃深圳》，「抵食推介」的蒸汽石鍋魚套餐採用新鮮江團魚，配以簡單食材蒸煮6分鐘，並蓋上有「雲南十八怪」之稱的草帽當作鍋蓋，140度高溫逼出膠原蛋白極豐富的奶白魚湯，零舍鮮甜，而且啖啖嫩肉無細骨，吃得特別爽；之後繼續用濃厚魚湯作火鍋湯底打邊爐，年糕口感的豆腐拼盤、爽口彈牙的原隻鮮蝦蝦滑與魚湯成最佳拍檔，整個3至4人份量套餐只需380元人民幣（約411港元），此價錢在香港只能夠是人均價，性價比極高！

蒸汽石鍋魚3至4人份量套餐，只需380元人仔（約411港元）！

見到彭慧中（左）同林秀怡（右）個樣，就知有幾好味啦！

之後介紹的漫畫風日式居酒屋以mega size taco最馳名，如手掌般大的照燒鰻魚Taco由香脆紫菜包滿米飯，無論賣相抑或味道同樣攞滿分，每個只需39元人仔（約42港元）；還有多款人氣食品鵝肝肥牛Taco、海膽牛角包、北海道湯咖哩飯創新又足料，難怪每道菜都要「相機食先」！今集最「打卡able」重點推介，必定是位於深圳南山區的全新café，小園林種滿藍藍紫紫花卉，亦設有歐陸式噴水池、鋼琴等，幾乎每個角落都是打卡位，恍如置身法國南部的小莊園，浪漫氛圍吸引不少女生慕名而來朝聖；梁凱晴和林秀怡全程忘我影靚相，並集合三大必影打卡位給觀眾，想知道邊三大打卡位？就要留意17日晚節目。除了靚景好讓食客打卡之外，多款自家製蛋糕賣相與味道兼備，水準極高，彭慧中和連作為男士的6號也讚不絕口！

漫畫風日式居酒屋以mega size taco最馳名，全部大件夾抵食，正呀！

法國南部風情café係今集最「打卡able」重點推介。

梁凱晴同林秀怡瘋狂打卡，仲集合咗三大打卡靚位畀大家。

梁凱晴同林秀怡瘋狂打卡，仲集合咗三大打卡靚位畀大家。

梁凱晴同林秀怡瘋狂打卡，仲集合咗三大打卡靚位畀大家。

梁凱晴同林秀怡瘋狂打卡，仲集合咗三大打卡靚位畀大家。

自家製蛋糕水準極高，彭慧中（左）同6號（右）都大讚！

講到深圳夜繽紛，當然不得不提位於寶安區的鹽田社區夜市文化街，全長400米，為深圳最長的夜市；擺滿過百個攤檔，雲集中國不同省份的甜品、鹹食，四位主持為大家試食一元串「鉢鉢雞」、黑色臭豆腐、火焰花甲粉、荊州鍋盔、爆漿車輪餅、即燒生蠔等，隔住屏幕都流口水！6號分享其掃街標準，避開中伏機會，想知掃街標準和攻略如何？密切留意節目。

鹽田社區夜市文化街係深圳最長嘅夜市。

彭慧中（左）同林秀怡（右）試食一蚊串「鉢鉢雞」，齊齊高舉拇指讚好食！

梁凱晴同6號試食黑色臭豆腐，唔知同港式有咩分別呢？

6號分享夜市掃街攻略！

即燒生蠔大隻又juicy！

至於「吃貨試伏器」環節，由林秀怡和梁凱晴擔任最後一次的「試伏專員」，今次試食另一大型倉庫式超市食品，分別是價值89.9元人仔的安格斯牛肉芝士漢堡和價值159.9元人仔（約173港元）的急凍烤鴨，兩女食完大讚「CP值超高」、「呢個掂喎」、「值得一試」，想知道哪款食品獲力推，記得留意最後一集《吃貨橫掃深圳》！

今次試食急凍烤鴨同安格斯牛肉芝士漢堡，唔知有冇中伏呢？