馮允謙話合作開騷感幸運 Ian怕醜表現尷尬又口窒窒

兩位音樂才子合作演出，擦出火花。

陳卓賢（Ian）和馮允謙（Jay）昨晚在九展舉行一連兩場《“我是現場”音樂會002馮允謙 & 陳卓賢》 ，吸引大批「Hellosss（Ian粉絲名稱）」入場支持，而他們為了應援偶像，送上多個汽球擺設放在會場外讓入場人士拍照留念，當中有Ian的人形汽球公仔，還有Jay和Ian英文名字形汽球等。而鄭欣宜、趙祥誠（Ben）及ViuTV高層魯庭暉等亦到場睇騷。

一連兩場演出，製作認真。

Jay收到不少花籃打氣。

Hellosss送上Ian吹氣公仔給大家打卡。

魯庭暉亦有到場睇騷。

趙祥誠（左起）、釗峰及欣宜來捧場。

甫開場，Jay與Ian分別穿著黑、白色服裝現身合唱《開始倒數》及《正式開始》。及後Jay自彈自唱《Day, They've Gone Too Soon》時，透露嫲嫲去年12月離世，寫這首歌送給家人，相信嫲嫲可以聽得到。

Jay與Ian合唱多首不同歌曲。

原來今年是Jay入行第9年。

Jay唱至手舞足蹈，十分興奮。

Ian坦言擔心在台上要說話，因他跟Jay的性格同樣被動，隨即問台下：「大家食飯未？」引得在場觀眾大笑，隨後兩人互讚互送高帽。Jay指今年入行剛好第九年，今次可以跟Ian開騷，覺得十分幸運，在旁的Ian聽到表現尷尬又口窒窒，Jay即說：「唔好講嘢，我哋唱歌啦！」

Ian自彈自唱。

Ian又再彈琴自彈自唱，冧爆歌迷。

接近尾聲時，Jay與Ian合唱連串歌曲，當唱出MIRROR的快歌《IGNITED》時，Ian提議觀眾齊齊起身，即掀起全晚高潮，最後兩人壓軸唱出《A New Day》後音樂會完結。

Jay指跟Ian開騷很幸運。

「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。

Jay新歌《JAY FUNG儀態訓練學院》MV上架。

觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx

拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。

MV在一間高級餐廳拍攝，Jay坐在其中一張餐枱前。

一班瘋狂食客突然衝出，爭相搶食物，椅子都被撞跌。

最後Jay見到一位小男孩沒有跟著去搶食物。

便上前拖著小男孩離開。

拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。

Jay指同小朋友做對手戲最緊要係要同佢做朋友！

Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」

Jay對自己的名子出現在新歌名都感到好奇。

Jay式字幕

新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」

新歌以Jay的好脾氣做題材，但他自言都有發脾氣的時候。