娛圈事
今次是他首次與觀眾近距離接觸。
ANSONBEAN首度以藝人身份出席商場活動，即場獻唱新歌。他表示今日的表現，比起幾日前上台表演較為鎮定，信心提升不少。今次是他首次與觀眾近距離接觸，但不擔心直接接收正負評，ANSONBEAN保持正面態度：「就算聽到話我唔夠靚仔，我最多都係『哎喲』一聲，我唔會介意批評，因為通常都有建設性，我都覺自己仲有好大進步空間。」
又係冇冬天。
坦言對批評保持正面態度。
提到C AllStar經理人阿拔狂踩MIRROR ，特別是姜濤，指他無處不在十分困擾，甚至形容為「討厭到一個點」。同是ViuTV《全民造星》系列出身的ANSONBEAN表示：「我無特別感覺，都係專注表演上，任何嘢都係表演嘅一種，最重要係把握將每個表演做到最好。」
MIRROR被C AllStar經理人批評。
ANSONBEAN在商場出席活動。
ANSONBEAN以「打遊擊」的方式拍新歌dance version。
陳毅燊（ANSONBEAN）上周五（3月22日）推出新歌《IMPATIENT》，新歌內容主要是想借藝人追女仔的角度，帶出其實所有人都可以將一些包伏或規則放下，才能更加赤裸去面對大眾。昨晚（3月26日）Anson以「打遊擊」的方式為他的新作拍攝dance version，一晚內走遍銅鑼灣Sogo 、中環摩天輪、天星小輪與文化中心等地，將香港特色呈現。
ANSONBEAN在街頭拍攝《IMPATIENT》MV dance version。
跳得大汗踏細汗！
吸引不少豆粉與市民圍觀。
除外套騷肌引圍觀者歡呼！
ANSONBEAN樂與市民互動。
Anson先在銅鑼灣拍攝，吸引豆粉與數十市民圍觀，能夠看到Anson現場跳舞，跳得大汗踏細汗，除下外套時有人更驚呼大隻！Anson說：「今次喺鬧市取景，同大家一齊互動、一齊玩咁，大家睇得好開心，我都覺得好開心。」其實今次拍攝的概念源自Anson最近愛上自導自演功夫短片，他笑說：「目前為止拍咗7條，好多人問點解喺街拍，因為冇錢租場，哈哈！其實因為成日都即興，又想用最低成本做到最想做嘅嘢，大家又睇得開心，都好多人因為睇咗我嘅片，知道我喜歡武術。」他續說：「所以今次新歌dance version都用呢個模式，希望可以將香港唔同地方呈現喺裏面。」
勁有型！
大派福利。
ANSONBEAN表示：「今次喺鬧市取景，同大家一齊互動、一齊玩咁，大家睇得好開心，我都覺得好開心。」
