娛圈事
陳慧敏因身在澳門而未有出席。
由周國賢（Endy）、小肥、陳慧敏（慧敏哥）主演的《熱唱吧》正在熱播中，Endy與小肥近日在香港四出謝票，陳慧敏則在澳門謝票。小肥自爆在戲裡戲外都不停「欺負」陳慧敏：「喺戲中我演一個好衰嘅經理人，一直榨壓慧敏哥，當佢係搖錢樹，不過戲外我都係成日恰佢，又打佢個頭，哈哈。」周國賢笑說反而是陳慧敏欺負他，「終於知道原因，可能佢喺你身上受咗氣，之後發洩喺我身上，又叫我要用丹田唱歌。」
陳慧敏因身在澳門而未有出席。
觀眾反應熱烈。
Endy和小肥更指陳慧敏為人「老積」，平時拍戲會不斷向他們灌輸人生大道理，「例如要多啲旅行認識世界，感受世界，好多都真係有用。」到了最後兩場謝票場，小肥突然決定FaceTime身在澳門的慧敏哥，慧敏哥接通後即和香港觀眾對話，指非常想來香港與大家一起看《熱唱吧》，並感謝Endy和小肥在香港謝票。Endy表示暑假就快結束，他也未準備好心情「開學」，不過接下來將會推出新歌。
影片截圖
周國賢和小肥為《熱唱吧》四出謝票。
相關影片可以按以下畫面觀看：
陳慧敏音樂會門票4月10日在BOOKYAY優先訂購。
陳慧敏4月3日（今天）生日快樂！大一歲的慧敏哥，在踏入生日零時零分，在社交平台宣布於5月17及18日，假香港藝術中心壽臣劇院舉行兩場音樂會，並於4月10日優先訂票，慧敏哥說：「生日想送一份禮物俾自己，而不經不覺原來7年已經冇開個人騷，所以好想好想係今年完成呢個心願。」音樂會上，慧敏哥更興奮表示找來了The Hertz任音樂總監，頓時令她感覺不再孤單。
陳慧敏5月開個人演唱會。
《「趁我們還有____」陳慧敏個人音樂會2024》海報
生日快樂！
今次音樂會名為《「趁我們還有____ 」陳慧敏個人音樂會2024》，慧敏哥解釋，音樂會名用上下間線，原因是希望透過音樂會與大家去尋找各人心中的答案，說：「疫情呢幾年返香港，成日聽到身邊人講失去！大家講嘅失去，係因為疫情？係因為經過咗好多生離死別？戰爭？定係因為好多嘢唔同咗？心情未平復到？所以我係到諗，會唔會嘗試換個角度諗，係大家談論失去同時，其實我哋仲有啲咩？所以有咗今次音樂會嘅主題，亦係一條填充題，同大家一齊面對、一齊搵內心答案。」
The Hertz任音樂總監。
諗好音樂會主題，下一個就是音樂總監，慧敏哥期望透過今次音樂總監能令闊別7年樂迷充滿新鮮感，而事有湊巧，慧敏哥在一個騷上接觸了The Hertz，當刻就鎖定了找他們合作，說：「今次The Hertz會成隊Band一齊做我嘅Music director，佢哋本身就係團隊，而我咁多年來都係一個solo嘅歌手，係佢哋身上會更加感受到團體嘅力量。今次個音樂會上，我哋會有好大合作，互相擦出不同嘅火花，特別音樂上面點樣去rearrange過我嘅音樂，一齊行一齊去揾我哋呢個騷最終面貌，一齊行嘅過程係最令我期待，所以都邀請大家嚟同我喲一齊同行一齊去揾到自己內心嘅呢一個答案。」
陳慧敏解釋音樂會名用上下間線，原因是希望透過音樂會與大家去尋找各人心中的答案。
《「趁我們還有____」陳慧敏個人音樂會2024》詳細資料：
主辦：棋人香港、木船音樂創作室
日期：2024年5月17、18日 （星期五、六）
時間： 晚上八時
地點：香港藝術中心壽臣山劇院
票價：$888/ $688/ $488
優先訂票將於4月10日於BOOKYAY發售
優先購票網站：https://www.bookyay.com/
穿梭變化：叱吒903
