與外籍設計師男友已分手 王麗嘉：鍾意自己一個人

Irisa透露二人在今年4月時已和平分手。

王敏德（Michael）和太太馬詩慧（Janet）的二女王麗嘉（Irisa）今日（2日）在活動上，自爆與設計師男友Daniel分手！Irisa透露二人在今年4月時已和平分手，Daniel已返回阿姆斯特丹，她表示對方細自己兩年，坦承「有啲嘢唔係好夾」現在享受單身生活，並說：「其實我鍾意自己一個人，開心啲。」

Irisa自爆與男友分手。

她稱喜歡自己一個人。

Irisa在去年7月曾帶Daniel出席爸爸舉辦的畫展，當時Irisa堅稱只是好友關係，但不久已在社交網放閃，行山影相都攬到實，看來戀情維持不足一年。

Irisa的打扮一向咁性感。

Daniel是一位爆肌男。

而家姐王曼喜（Kayla）將於明年去美國，與恒隆地產創辨人之一陳曾燾的外孫女Elaine結婚。Irisa透露會做伴娘，兼幫手搞婚禮，笑言不喜歡也要做。

Kayla明年與女友Elaine結婚。

Irisa準備做家姐Kayla的伴娘。

名模馬詩慧和王敏德結婚30年，育有兩女一子，近日，馬詩慧帶埋兩姐妹王曼喜和王麗嘉一齊坐豪華遊艇出海玩，唔單只馬詩慧著咗紫紅色比基尼騷火辣身材，王曼喜和王麗嘉亦十分性感，著咗黑色三點式嘆世界，愜意無憂的生活令人十分羨慕。

馬詩慧在社交平台分享靚相和短片，可見她身為三子之女仍充滿魅力，身形瘦得嚟又凹凸有致，身姿曼妙到完全睇唔出年齡，保養得非常好！而王曼喜和王麗嘉出晒名鐘意晒自己的靚身材，大長腿和豐滿的上圍令人睇到心心眼。三母女無論身材還是外貌都各有出眾之處，唔少網民都大讚：「太性感」、「太靚女啦」。