食飯唔好玩凳啊~
陳毅燊(ANSONBEAN)近日頻頻為新歌宣傳,如果從《全民造星III》就有留意ANSONBEAN的話,就知他一向貪玩冇時停。日前他作客黃正宜(阿正)的電台節目,理應坐定定做訪問,點知他竟然坐定定都可以跌倒!
ANSONBEAN係《造星III》出身!
唔通儍吓儍吓,係造星囝囝特色?
ANSONBEAN事後於IG分享跌倒後,旁人拍下來的影片,就連阿正都忍不住笑,但還是關心地問他:「你有冇事呀?」影片可見ANSONBEAN連同飯盒一起跌倒在地上。連他也自問為何會跌倒呢?他在IG留言表示:「食食吓飯,突然就發現自己同盒飯一齊瞓咗喺地下……睇嚟要改善一下坐姿了~」有Fans好奇問:「究竟用咩坐姿先可以反到一張電腦凳?」嗯……或者下次叫ANSONBEAN再示範多次?
阿正目擊事發經過,依然諗唔明ANSONBEAN點解會跌親!
阿正忍笑問ANSONBEAN有冇事!
ANSONBEAN以「打遊擊」的方式拍新歌dance version。
陳毅燊(ANSONBEAN)上周五(3月22日)推出新歌《IMPATIENT》,新歌內容主要是想借藝人追女仔的角度,帶出其實所有人都可以將一些包伏或規則放下,才能更加赤裸去面對大眾。昨晚(3月26日)Anson以「打遊擊」的方式為他的新作拍攝dance version,一晚內走遍銅鑼灣Sogo 、中環摩天輪、天星小輪與文化中心等地,將香港特色呈現。
ANSONBEAN在街頭拍攝《IMPATIENT》MV dance version。
跳得大汗踏細汗!
吸引不少豆粉與市民圍觀。
除外套騷肌引圍觀者歡呼!
ANSONBEAN樂與市民互動。
Anson先在銅鑼灣拍攝,吸引豆粉與數十市民圍觀,能夠看到Anson現場跳舞,跳得大汗踏細汗,除下外套時有人更驚呼大隻!Anson說:「今次喺鬧市取景,同大家一齊互動、一齊玩咁,大家睇得好開心,我都覺得好開心。」其實今次拍攝的概念源自Anson最近愛上自導自演功夫短片,他笑說:「目前為止拍咗7條,好多人問點解喺街拍,因為冇錢租場,哈哈!其實因為成日都即興,又想用最低成本做到最想做嘅嘢,大家又睇得開心,都好多人因為睇咗我嘅片,知道我喜歡武術。」他續說:「所以今次新歌dance version都用呢個模式,希望可以將香港唔同地方呈現喺裏面。」
勁有型!
大派福利。
ANSONBEAN表示:「今次喺鬧市取景,同大家一齊互動、一齊玩咁,大家睇得好開心,我都覺得好開心。」