Tiger羽毛球殺波令全場驚艷 謝影雪激讚打得最好

《力圖打排球》昨晚(4日)播出，雖然節目名叫「打排球」，但因為之前MIRROR於ViuTV的奧運節目中，向羽毛球港隊代表謝影雪及鄧俊文「挑機」，因此這次活動上還見到MIRROR、謝影雪及鄧俊文打羽毛球。

呢吓殺波，雪雪都嚇親呀!

由於曾是羽毛球校隊的陳瑞輝(Frankie)這天沒有到場，大家都將寄望放在運動健將陳卓賢(Ian)身上。不過大家似乎忘記了他是排球港隊代表，而不是羽毛球代表呀!打羽毛球?他完全不擅長，而他的賽前目標是:「打中個波就OK!」可見他對打羽毛球完全沒有信心，比賽大部份時間都是看到球卻打不中的狀態，十分搞笑!

係型嘅!

反而另一位成員邱傲然(Tiger)在場上的表現就令謝影雪都驚訝，不僅板板有力而且反應極快，事後謝影雪亦於IG表示:「之前唔講識打，呃人!」Tiger亦回應:「我真係唔係好識㗎!」

Tiger(左)話賽前有請教曾是羽毛球校隊的Frankie(右)。

Tiger(左一)識拉丁舞又識武術，仲識打高爾夫球，邊夠你玩呀!

謝影雪於賽後被問到覺得誰打得最好，她表示:「應該係Tiger，因為佢可能本身都有打羽毛球嘅底子，所以佢發揮得好好!」其實Tiger除了是拉丁舞高手，亦曾得過不少武術比賽獎項。不說還不知道，原來他都曾經參加過高爾夫球學界比賽仲得過季軍，看來他又是一名被歌唱事業耽誤的運動健將呀!

雪雪(左一)話Tiger打得最好呀!

Ian賽前目標係打中個波!

嗯...Ian(左一)大部份時間都打唔中個波...(你都係專心打排球啦!)

MIRROR又多一個被歌唱事業耽誤嘅運動健將!

12子坦誠公開自己的戀愛狀況。

現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。

MIRROR接受CNN訪問。

MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。

大爆戀愛狀況！

其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」

MIRROR亦分享了工作以外的生活。

除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」

姜濤與Anson Lo期望跟Taylor Swift合作。

在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」