*

upload_article_image

梁朝偉大爆拍《尚氣》畀導演呃 預告出年再拍電視劇

Do姐當年於《倚天屠龍記》飾演殷素素,偉仔則演張無忌。

兩人相隔多年無見。

現年59歲的梁朝偉最近為宣傳Marvel超級英雄片《尚氣與十環幫傳奇》(Shang-Chi And The Legend Of The Ten Rings),上星期罕有亮相商業電台節目接受鄭裕玲(Do姐)訪問。兩人曾於1986年拍攝《倚天屠龍記》,事隔34年再次齊齊亮相幕前。於訪中Do姐更踢爆偉仔以前喜愛夜蒲,不過現收心養性做宅男。同時,他更預告將會相隔33年後再拍電視劇。

偉仔於訪問中要回想對上一次幾時與Do姐見面。

Do姐表示於多年前曾訪早已貴為TVB「男一」的偉仔,當時他肯定地表示:「36歲一定退休」。偉仔坦言當年太辛苦,以致未夠30歲就打算退休,不過現在則有其他想法:「唔經歷嗰啲辛苦就唔會有今日嘅我,人大咗,價值觀唔同咗,人都輕鬆咗,唔會再有咁極端嘅諗法。呢幾十年唔會再規限自己,想做就做。」他指現時不會再想退休的事,覺得「攰」就會停,更指接拍角色因由皆為緣份:「可能導演鍾意我,我又唔鍾意個劇本,鍾意個劇本,又唔鍾意個角色。」偉仔又指拍完《尚氣》之後返港拍《金手指》,然後再去上海拍戲,出年更會到溫哥華拍電視劇。偉仔對上一次拍劇已是33年前的TVB劇《俠客行》。

- 閱讀更多 -

往下看更多文章