陳慧珊出山！
馬天佑（Mayao）將於11月5日於麥花臣場館舉行人生首個演唱會《Reinvention 馬天佑 衫。重奏》，專業時裝指導及歌手Mayao由將形象結合音樂一手包辦，為六位女星重新定義最合適她們的2021年最時尚形象。今次演唱會Mayao邀請了陳慧珊、關心妍、何嘉莉、張新悅、趙頌茹及谷祖琳參與演出，對於80、90後聽廣東歌的樂迷來說，絕對不會感到陌生。
馬天佑（Mayao）宣布11月開騷。
有別於一般演唱會，Mayao不單止於形象及舞台設計上花盡心思，更為六位女星帶出內心最希望呈現的一面給觀眾欣賞。Mayao說︰「今次Show名叫《Reinvention 馬天佑 衫。重奏》，『Reinvention』（再發現）係指我會用自己嘅方法，去『Invent』（發現）呢六位女星嘅可能性。同埋，我亦希望可以藉此機會去『Reinvent』自己（再發現），令自己可以跳出Comfort Zone去做一啲未做過，但又好想去做嘅事。」
今次演唱會的主題是「衫」，所以服裝在這個演唱會中極為重要。Mayao說︰「我會用好華麗嘅衫，去「重奏」佢哋特別嘅歌，有聽過呢個年代歌嘅樂迷，相信都會有一種好特別嘅感覺。」
陳慧珊、關心妍、趙頌茹、張新、何嘉莉和谷祖琳參與演出。
問到Mayao邀請這六位女星的原因，全因為Mayao都是她們的「小Fans」。Mayao說︰「佢哋嘅歌喺我成長路上有好大嘅影響，而佢哋所有嘅歌我都聽到滾瓜爛熟。除此之外，我喺佢哋身上見到有好多可能性，所以希望喺呢個演唱會上面幫佢哋突破到另一個層次，俾從未見過嘅一面大家睇。今次係我第一次舉行演唱會，依家仲有好多嘢努力籌備中，希望大家到時都可以入場見證我嘅第一次。」
而為了讓觀眾更了解六位女星的內心世界，Mayao更拍攝了一個全新真人Show節目，在這兩個月期間於Mayao YouTube頻道內播放，真人Show除了會輯錄籌備整個音樂會的過程外，亦會有六位女星的內心感受，與及鮮為人知的事情，希望讓觀眾更加了解她們真誠的一面，以另一角度進入她們的內心世界。
Mayao是她們的「小Fans」！
陳慧珊出山撐Mayao！
