*

炎明熹無悔參加星夢 當初因於廣告見太空人而報名

太空人加音樂又幾有噱頭喎。

炎明熹(Gigi)在TVB歌唱比賽《聲夢傳奇》中,以大熱姿態成為三料冠軍,日前應「See See TVB」FB專頁邀請,以大師姐身份呼籲大家報名參加第二屆《聲夢》比賽。主持人安排Gigi重看三個月前拍的一段短片,片中的Gigi問三個月的自己還好嗎?有否發呆?希望自己可以笑多一些,世界會更美妙,Gigi搞笑地說:「一啲都唔好,仲有發(緊呆)!」

好奇參賽改變了一生 炎明熹:冇諗過會行到呢個地步

炎明熹拍片呼籲。

其後主持又問到Gigi在這幾個月的轉變,她說:「髮型變咗,不過正經啲嚟講,應該係成熟咗。我係一個成熟嘅人,點解覺得自己成熟咗?其實冇得覺得點解,可能係個比賽,有陣時喺個比賽入面啲嘢未如理想,但要學識接受,因為次次玩法、各樣嘢都唔同,所以就算失敗咗或者成功咗,我覺得自己年紀又大咗少少,心智成熟又成熟咗少少,所以我覺得而家我係百毒不侵。」重提當日為何要參加《聲夢》,Gigi笑說:「係因為喺電視睇到個太空人,我起初唔覺得呢個係唱歌比賽,太空人又關唱歌比賽事? 好好奇咁我就參加囉,仲係一個咁好嘅機會,同埋係唔使錢。」再問有否後悔過參加比賽,Gigi說:「咁又冇喎,因為覺得好新奇,每次做嘅嘢都唔一樣,所以係冇乜後悔,唔係,係冇後悔!可能係第一次拍嘢,同埋個個髮型係99度轉變,唔係,係360度!」

- 閱讀更多 -

Tags:

往下看更多文章