Anjaylia話今次陀得好舒服。
陳嘉寶（Anjaylia）在2017年與初戀男友黃頌祈（Epaphras）結婚，婚後誕下大女兒Hosanna與細女Eliana，早前宣佈陀第三胎，預產期於今年底。Anjaylia今次的孕期十分舒服，加上多得媽媽和奶奶的愛心養胎料理與湯水而增磅了不少，搞到連醫生也建議她不宜過量飲食，Anjaylia說：「其實三胎都陀得好舒服，今胎都冇乜特別反應，只係大食咗同肥咗，醫生都同我講，以我嘅身形，唔應該食太多，因為怕生唔出，BB太大怕我難生辛苦，我反而要留意食量。」
陳嘉寶大住個肚去上堂！
最近家中正進行裝修，兩女又分別開始上學，同時維持工作，Anjaylia也處理得頭頭是道：「我依然繼續work life balance，兩個女都要返學，要一路跟住大女返學嘅嘢，呢兩星期又要開始計劃幫細女報學前班，自己又一路有寫作嘅工作。其實而家陀住BB仲輕鬆，出咗世反而要放好多時間，我成日覺得做媽咪，陀住BB嘅時候係最方便，生咗就有排搞，所以趁而家會繼續做。」
陳嘉寶今次陀得好舒服。
向來喜歡做自己想的事的Anjaylia，最近報讀了一個跟寫作有關的課程，當旁聽生，初試大肚返學的滋味，她笑說：「大住個肚去大學上堂，喺外國就見好多，我就未試過，都幾得意呀！學多啲嘢係好開心、好期待。完美地諗讀完個課程就可以生嘞，跟住就坐月，之後又睇吓新一個學期有冇機會可以再讀。趁住有時間就選擇自己喜歡做嘅事，追求夢想，係畀小朋友一個教材、一個好榜樣。」昨日Anjaylia更撇低一對寶貝女，與老公過二人世界：「就算結了婚，有了孩子，戀愛還是要談的。不然等寶貝們長大去談自己的戀愛的時候，你才發現跟身邊的人已經聊不起來，那就太遲了。」
陳嘉寶覺得就算有了小朋友，都要有二人世界。
陳嘉寶昨日撇低一對寶貝女與老公過二人世界。
