黃翠如喪喊演技終獲平反 《七公主》預告玩味十足迎大結局

吳子冲稱自己係小暖男，角色Aden先係大暖男！

 TVB劇集《七公主》今（11日）晚迎來大結局，既有長達10分鐘的劍擊比賽，還玩味十足兼極盡視覺震撼效果的結局位。昨晚焦點劇情落在黃翠如飾演的顧靈珊與心魔（陳曉華）對決一幕，最終壓力爆煲的靈珊，遭心魔暴風式數落，無法再強裝硬淨爆煲喪喊，並將壓抑已久的真心話盡情哭訴。

翠如獲網民大讚演技有進步。

心魔陳曉華迫逼翠如情緒。

該場接近5分鐘的場口情緒轉換相當頻密，難得翠如亦拿捏得宜，獲網民大讚演技有進步，且有不少網民直認對她改觀：「演技大爆發」、「喊得幾好睇」、「我都有喊，呢Part可以」、「我之前都有留言話翠如演技唔掂，但呢場我覺得佢做得唔錯」、「我喊咗，翠如苦盡甘來」、「翠如今集真係大平反，睇到我眼濕濕」、「演得好好，看得我淚流滿面」、「完全扳回一城」、「翠如真係愈做愈好，特別係今晚呢集，第一集我仲覺得佢超難頂」、「看到眼淚流不停」。

好多人因為這場戲對翠如演技改觀。

三姊妹最終抱在一起，互相關心並大和解。

至於靈珊最終會否被暖男小鮮肉Aden（吳子冲飾）打動亦是網民關注重點。在學界有「劍擊王子」之稱的子冲，本身擅長打佩劍，不過重劍及花劍亦難不倒他；加上身高高達187cm，樣貌又乖巧討好，故此演繹劇中暖男Aden角色更具說服力，令網民無限心心眼。

吳子冲嘅按摩手勢都有板有眼。

子冲擅長打佩劍，不過重劍及花劍亦難不倒他。

對於角色如此入屋，子冲受訪時坦言很開心：「Aden呢個角色係監製同編審一齊幫我塑造出嚟嘅，要多謝佢哋。我其實只係小暖男，因為鄭子誠先係大暖男！」子冲自言私底下亦算是暖男：「Aden將我嘅暖男特質不斷放大，然後將我嘅缺點全部抹走，佢比我多一份率直同單純。」其實劇中的按摩手法如此有板有眼，全靠飾演子冲同事、本身是專業物理治療師的林景程擔任顧問。

子冲在學界有「劍擊王子」之稱。

黃翠如該場接近5分鐘的場口情緒轉換大獲好評，好多觀眾都話跟住她喊。

黃翠如、周奕瑋及C君首度碰頭已經好有「火花」！

全新綜藝節目《渣打優先理財特約： Grand 住去台北》，由今晚（20日）開始，一共兩集於周六晚九點翡翠台播映。節目由拍攝旅遊節目經驗豐富的黃翠如及周奕瑋（Jarvis），首度夥拍名嘴兼「綜藝大腦」C君擔任主持，以「相愛相殺」的搞笑互寸方式，帶領觀眾體驗香港人最愛旅遊熱點之一的台北的不一樣豪華體驗，並齊齊首度體驗包機外遊滋味。

三位首度碰頭已經好有「火花」。

DoDO姐好搶鏡。

呢間一星米芝蓮餐廳嘅每一道菜都好有特色，三位主持都食很好開心。

以介紹衣食住行豪華新體驗為宗旨的《Grand住去台北》，今晚播出的第一集將介紹三大特色豪華體驗，包括連續六年獲得米芝蓮的一星當代料理餐廳、五星級豪華露營車體驗，及充滿藝術氣息兼有無限打卡位的台灣新興精品商場。先說米芝蓮一星餐廳，除了8道特色料理只需約970港元CP值夠晒高，每道菜選用的材料亦甚有特色，先後有紫色海膽汁、台灣地道蔥油餅，及檳榔入饌等，其中一味石班魚更令三隻搗蛋鬼玩個不停。食完大餐，三人與負責設計及主理菜式、來自香港的廚師Chef Kin閒談，Chef Kin開心share了在台灣創立富有自己特色料理的進程，並指料理特色是呈現「廚師本身的故事及心路歷程」，C君聞言即感嘆謂：「我哋食咗你嘅人生。」

食食吓仲搞埋爛Gag。

每一道菜其實都係Chef Kin嘅人生同經歷縮影。

翠如為咗影靚相無所不用其極。

Room Tour都搞到好歡樂。

球場得意嘅翠如，喺煮場就相當失意。

體驗露營車期間，翠如則模特兒上身大晒玉臂跪求「攝影擔當」C君影靚靚寫真，Room tour期間三人再度大玩床照沙龍，C君更驚爆翠如是風水物：「黃翠如係風水物，佢喺任何地方啲風水都好好多架！」之後三人各自在精品商場搵節目，翠如獨自到了一間以文青風做主打的書店尋寶，並大爆自己出Trip時的怪癖：「我去到唔同國家都會買一本書，仲要買當地嘅語言，所以喺唔同國家買嘅書，我全部都係睇唔明，但我就係鍾意擺喺度。例如我有本德文書、一本非洲雜誌等，雜誌係我好鍾意買嘅嘢，因為可以睇到當地人嘅生活。」

搞到C君嬲嬲豬。

翠如自揭怪癖，就係鍾意買埋啲睇唔明嘅書。

三人出發之前，在香港機場亦有趣事發生，就是偶遇了英文名叫DoDo的靚女地勤，DoDo更配合三位無聊的主持大玩爆肚式「角色扮演」，盡顯美貌與喜感一面，令C君大感驚艷之餘，亦為整集節目加添了一個小彩蛋。

Jarvis去咗學滑雪，個樣都幾驚青喎。

翠如另外仲去咗一個好有特色嘅展覽。