購買外賣時須小心慎選餐廳，稍有不慎便容易中伏。一網民於Facebook群組發文指，早前訂購外賣後，發現軟殼蟹內疑有萬字夾，芒果糯米飯內亦有一塊疑似竹片，最後事主忍不住怒斥，「證明（餐廳）都幾hea（隨便）」。
該名食客發現炸軟殼蟹裡有一條形似萬字夾的鐵線，其家人亦險些吃下。FB圖片
事主於Facebook群組「中伏飲食報料區」發文指，一家早前經外賣平台，於九龍城一間泰國餐廳訂購外賣。未料進食時，突然發現炸軟殼蟹裡有一條形似萬字夾的鐵線，家人更險些吃下，惟當時事主心想無大礙，故繼續進食。
該名食客於外賣中，發現軟殼蟹藏萬字夾、糯米飯有竹片。FB圖片
豈料吃芒果糯米飯時，再發現飯裡藏有一塊類似竹片的啡黃色物體，事主當時即「嬲到陣」，認為店員不可能沒發現竹片，「個糯米飯係白色嘅，有塊嘢點解咁都睇唔到」、「證明（餐廳）都幾hea（隨便）」。
該名食客於外賣中，發現軟殼蟹藏萬字夾、糯米飯有竹片。FB圖片
帖文引起網民討論，紛紛留言批評該餐廳做法離譜，「個糯米飯係白色嘅，咁都睇唔到」、「嘩，好危險」；亦有網民分享類似的經歷，「之前試過食豬手差啲食咗鐵線，唔知係咪醃完唔記得抽返出嚟」、「我之前都試過差啲吞咗訂(釘)書機粒釘」，事主亦對於網民的經歷感驚愕，「勁驚𠝹損喉嚨」。
該名食客於外賣中，發現軟殼蟹藏萬字夾、糯米飯有竹片。FB圖片
有私家車司機在公路上中「尿彈」，尿液灑滿車窗如洗車，網民逐格重播車cam助緝兇：對面線的士！
司機行公路慘遇「尿彈狂徒」
有網民於Facebook群組「車cam L（香港群組）」上載一段片長17秒的車cam片段，顯示晚上時分，受害私家車司機正在公路上行駛，突然一個載滿尿液的容器猶如從天而降，砸向了車頭玻璃，容器撞擊後破裂，尿液像瀑布般灑滿車頭玻璃，司機視線受阻，場面既嘔心又危險。
(FB圖片）
網民紛紛譴責指心理變態
影片曝光後，網民紛紛譴責「尿彈狂徒」的無良行為「痴X線，佢以為玩緊Mario Kart呀？好危險呀」、「好嘔心，一啲公德心都無」、「點解要咁做？好好玩？發洩？心理變態？」、「如果驚青司機真係會抄咗！做佢啦」、「好陰濕！好賤格！求車主心理陰影面積」、「呢啲人應該落地獄」。
(FB圖片）
網民助緝兇：對面線的士！
不少熱心網民逐格放大重播車cam片段助緝兇，更一致認為對面線的士司機是尿彈狂徒「11秒睇到係對面架的士掉過嚟」、「重播左幾次...個樽好似真係對面線飛過嚟」、「真係對面掟，你重複0:10睇」、「兩邊都有車速，所以造成好似向前掉嘅衝擊！反覆睇片後，很肯定係個的士狗！」、「慢播左，對面dc9 扔過黎，放大睇，燈下面有個拋物線」、「的士佬先會屙喺樽，睇到係對面線掟過去」。
(FB圖片）
「亂拋垃圾出車外」屬違法行為可報食環
根據食物環境衛生署網站，司機或乘客亂拋垃圾出車外，最高可被罰款港幣$25000及監禁6個月。如市民遇見有人從車廂中拋擲垃圾到車外，可向食環署舉報個案。市民可在食環署各區環境衞生辦事處及民政事務總署各區民政事務處索取｢車上拋擲垃圾－舉報表格｣，也可從食環署網頁下載表格。
(FB圖片）
帖文來源：Facebook群組「車cam L（香港群組）」
