爆囡囡被心儀男同學拒合照 張繼聰讚「情敵」識玩有前途

阿聰話佢以前都好似「情敵」咁～

張繼聰（Louis）同謝安琪（Kay）結婚14年，育有一子一女。由於長子張瞻(James)已經14歲了，而且是男生，Louis和Kay都對他比較放心。而只得4歲的妹妹張靖（Karina），就成為全家關注焦點，尤其是爸爸Louis顧慮的東西，似乎想得太遠。

Louis同Kay結婚14年!

哥哥James同妹妹相差10年。

哥哥James好錫妹妹Karina！

Louis昨晚（11日）於IG上載短片，分享「老竇嘅心事」，原來他懷疑前世情人有心儀對象，令他有「失戀」的感覺。他分享說：「我成日都好怕呢一日來臨，但原來呢一日已經嚟咗！我諗我個女已經墮入咗愛河！」原來Karina自從上學後，經常對爸爸提着一個男孩的名字，又表示希望與這個男孩去主題樂園等。甚至每晚提早入睡，因為翌日要早點上學見這個男孩。

Karina先得4歲，Louis已經初嘗「失戀」感覺！

Louis曾對女兒Karina提出：「去邊都好，我可唔可以一齊？」Karina回答：「唔可以，只可以我哋兩個！」Louis表現出當時心碎的感受。

錫晒前世情人！

早前Karina學校有活動，他終於有機會見「情敵」，他和Karina提出：「不如你同嗰個同學影張相？」Karina也同意，於是牽着爸爸的手跑去找那位男孩，Louis形容當刻有嫁女、帶女兒步入禮堂的感覺。可是他們父女倆問那位男孩可否合照時，對方卻拒絕了他們的要求。Louis讚「情敵」識玩有前途，又偷笑表示：「我當年都係用呢一招......我唔想再講！」網民紛紛留言:「你當年用呢一招做咩?繼續講落去！」不知道Louis會不會出下集把「想當年」說下去呢？

睇下Louis個心碎樣!

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！