鮑起靜《我家無難事》爆金句 馬德鐘父子變身鐵騎士跨世代登場

《我家無難事》將緊接《七公主》檔期後播出。

由鮑起靜、馬德鐘、唐詩詠、楊明、車婉婉等主演的新劇《我家無難事》，將緊接《七公主》檔期後播出；故事講述資深花紐導師羅美蘭（鮑起靜飾）獨力養大三名子女及一名外孫，即使年屆70歲仍不辭勞苦為夢想及子女奔波。雖然美蘭為人樂觀正面，但三名子女各有問題—大仔郭得勤（馬德鐘飾）面臨離婚及經濟難關、二女郭得寶（車婉婉飾）任性刁蠻不懂珍惜家人、幼子郭得明（楊明飾）為人孝順有才華，但感情事卻遲遲未有著落。正所謂「養兒一百歲，長憂九十九」，作為好媽子自然份外操心。

劇中飾演美蘭的鮑起靜，已年屆70歲，仍要為三子女奔波。

美蘭係資深花紐導師。

楊明飾演有才華，又乖的孝順仔。

監製王心慰（Amy姐）與編審Amy Lam及一眾編劇攜手透過劇中主角美蘭的口，滲進了大量簡而精兼且正面的做人處世金句，包括：「郭家精神，食飽冇頭痕，食完蛋撻先走人」、「床前有孝子，實有好日子」、「只有媽子緊仔女，邊有仔女緊媽子」、「我寧願對手打結，都唔想個腦打結」、「想做就做！早好過遲」、「難極都要行，只要你肯行，一定有路行」等，為美蘭這個角色注入靈魂的同時，亦好讓觀眾頓悟「關關難過關關過」，從而望見曙光。除了金句，Amy姐在劇集開初已饒有心思地向傳統中式手藝、年青人創意藝術及香港地道美食致敬，盡顯對香港的獨特情懷。

鮑姐有好多金句：「難極都要行，只要你肯行，一定有路行！」共勉之。

當中還有好多年輕人的創作。

《我家》其中一大噱頭，則落在馬德鐘兒子馬在驤的處男客串電視劇演出。在驤在劇中飾演馬德鐘的年輕版，雖然演技仍算幼嫩，但卻與爸爸馬神同樣流著型格的血，舉手投足都甚有魅力！Amy姐更巧妙地安排馬神及馬在驤同樣以騎著電單車的鏡頭出場，滿足觀眾想一睹虎父如何無犬子的願望。問到在驤初試啼聲表現，Amy姐滿意笑謂：「我對佢嘅演出十分意外。」

馬在驤處男客串電視劇演出。

馬在驤演技幼嫩，但勝在有喜劇節奏。

監製巧妙安排馬德鐘和兒子馬在驤同以電單車出場。

王丹妮大讚男神張孝全！

王丹妮（Louise）與張孝全、鮑起靜、Mauricio Henao等主演，台裔美籍導演陳駿霖首部執導全英語對白演出的電視劇《Coolie》，經過近五個月拍攝後，終於煞青，Louise並趕及由多明尼加共和國返港出席日前的金像獎頒獎禮，與《毒舌大狀》的團隊一起分享獲得「最佳電影」的喜悅。近日Louise更收到《Coolie》監製通知該劇正在康城舉行的MIPTV賣片活動中，廣受買家歡迎，令她更期待透過此劇讓國際觀眾認識自己。而完成這次漫長拍攝之旅後，Louise忍不住的說：「終於可以同另一半Sheldon（羅孝勇）重聚；因為五個月前完婚後才兩天，還來不及渡蜜月，我便要飛往多明尼加共和國開工。跟囡囡和老公分開兩地，想死我了！」

王丹妮赴多明尼加拍攝電視劇《Coolie》。

Louise感恩今次參演獲益良多！

Louise三個幾星期前，曾特地返香港拍攝金像獎特刊，趁機陪囡囡雅念玩了兩日再趕返巴拿馬完成最後拍攝，直至日前才正式煞青回港。她直指今次到多明尼加拍劇五個月，是自己有史以來最長一次遠行工作，令她非常掛念老公Sheldon和囡囡。「以前出門做嘢最多三個月之後就會返香港唞一唞之後先再去第二度。但今次時間就再耐啲，honeymoon都無就同Sheldon say goodbye 到而家都未見到面，只靠視像變咗網戀，下星期Sheldon 有一個禮拜假期可以返香港，我哋終於隔咗五個月之後再見面，所以好期待！」

台裔美籍導演陳駿霖首部執導全英語對白演出的電視劇《Coolie》，由王丹妮與張孝全、鮑起靜、Mauricio Henao等主演。

除了老公和女兒之外，身在外地Louise最掛念就是香港的美食，並分享當地人的飲食口味說：「好掛住牛雜河，辣嘢同埋米線，因為嗰邊冇，當地人唔鍾意食辣，反而啲嘢食好鹹，好似成樽鹽倒瀉咗咁…又或者啲嘢飲好甜，半杯都係糖…哈哈。」

Louise自揭被男神張孝全圈粉。

Louise很幸運遇上友善的劇組，讓她輕鬆地渡過五個月的拍攝，又可跟鮑起靜和張孝全偷師演技，Louise先大讚男神張孝全，指自己已被圈粉。「平時我哋兩個都係比較文靜少少比較怕羞嘅人，但係孝全個人非常好，亦都好Humble（謙虛）。拍攝嘅時候兩個人感覺都幾有默契，所以我哋嘅場口其實大部份時間都拍得好順利。現場拍攝團隊入邊嘅女仕們全部都俾佢性格同造型迷倒，佢哋仲即刻搞咗個Fans Club，我都係高級會員！」

而面對影后級鮑姐，Louise表示儼如上了堂演技進修班！

左起：方平、王丹妮、鮑起靜

至於面對影后級鮑姐，Louise形容興奮多過緊張，自己儼如上了堂演技進修班：「我同鮑姐合作拍攝嘅時候真係完全見證到乜嘢係『快靚正』！一秒就入戲！所以拍攝當下我只係focus 努力做好表演，唔記得咗緊張。」此行鮑姐丈夫方平都有同行陪拍，Louise更主動做小導遊帶兩位一齊到處遊覽。

除了3位主角之外，今次Louise參演這部作品結集來自逾40個國家的劇組人員，加上異國情調，風光明媚國度下拍攝，Louise感恩今次參演獲益良多。「團隊上下大家都被南美洲熱情嘅文化日漸影響，例如聽到音樂就會起舞唱歌，同佢哋一齊工作，我自己各方面都學到好多亦成長咗好多。以拍攝完煞科個刻真係好唔捨得，返酒店睇住大家簽晒名送俾我所嘅卡同文字都忍唔住喊咗。煞青party大家都相擁而泣，始終大家唔係喺同一個國家生活，唔知何年何月先有機會再見。 」

Louise趕及由多明尼加共和國返港出席日前的金像獎頒獎禮。

同《毒舌大狀》團隊分享獲得「最佳電影」的喜悅！

至於今次新劇內容，Louise大賣關子亦相當保密，因此不少朋友和粉絲以為過去5個月她去了旅行，Louise笑言大家誤會了：「工作嘅照片暫時不能發到網上，所以大家只見到我終於有得放假嘅時候出去玩嘅日常，而難得放假就當然會搵嘢玩搵嘢食感受當地生活同文化，所以大家以為我返工返到去旅行度假咁，其實係錯覺嚟嘅，哈哈。」