*

upload_article_image

九巴椅背插8cm長釘相片曝光 網民嘩然:擺明係謀殺

九巴一輛13M路線巴士昨日傍晚發生座椅插螺絲釘事件,九巴已就事件報警。事隔一日,懷疑涉事的巴士座椅相片曝光,相中清晰可見一顆約8厘米長的螺絲釘插在椅子頭枕位置下方,尖銳的釘尖突出一大截,乘客一不留神,分分鐘會被插背脊,相片引起網民嘩然,直言「如果係小朋友坐,中個位就係後腦」。

有網民於FB群組「突發事故報料區」發帖,可見螺絲釘是插在座位頭枕下方數厘米的位置。警方昨日曾提到,螺絲釘全長8厘米,根據相片所見,即使座位椅背有相當厚度,但8厘米的螺絲釘插入後,釘尖仍突出相當一部分。

九巴座椅插釘案相片曝光 網民大驚:小朋友坐就中後腦

螺絲釘插在頭枕下方數厘米位置。網上圖片

照片流傳後引起網民嘩然,由於螺絲釘位置與人的後頸相近,網民紛紛直言「如果係小朋友坐,中個位就係後腦」、「呢啲擺明係謀殺」、「如果一出事肯定會死人」;另外有人呼籲未來乘車一定要打醒十二分精神,表示「好多人見有位坐就睇都唔睇撻落張櫈」、「老人家唔夠眼,一坐就流血,其他大人都未必睇到」、「大家以後真係坐之前要望清楚張櫈先好坐」。

- 閱讀更多 -

Tags:

往下看更多文章