網友須器官移植續命冷血朋友：你要生存咁咪要有人死？

社會事

網友須器官移植續命冷血朋友：你要生存咁咪要有人死？

2021年09月16日 21:00 最後更新：21:04

患難見真情，一名網民不幸身患危疾，需要器官移植保命，結果朋友得悉後竟冷言冷語地說，「你要生存咁咪要有人死? 我係你就唔換。」令她百感交集。

有網民在討論區「親子王國」發文，說自從醫生告訴她要移植器官續命後，她這星期開始把消息告訴親朋好友。她坦言，「主要是病情進展到這地步，想給他們有個心理準備，萬一我突然bye bye了只少活著時能和他們通話。」

不過發文者其中一個識了多年的朋友的反應卻令她驚訝。對方得悉後竟然說，「吓! 你要生存咁咪要有人死? 我係你就唔換。」發文者透露，當年朋友的親人出事，移植主任想她願意捐出親人的器官幫人時，發文者在她身邊安撫她。但她不肯同主任說，因為「憑什麼親人要死但其他人可以活下。」發文者更揭示，「當年，醫生要拔喉但她不願意，唔肯簽紙，拉鋸咗幾日。佢覺得醫生想攞佢親人器官先會拔喉。」

發文者自言，「那時，我已患病。知道將來逃不移植這條路，聽到很難受。但體諒她當時心情。」發文者想不到，現在朋友重病，她卻說出這話，「我聽到很難受。我每日都想盡快移植，突然醒覺在期盼別人死，令自己生存」

發文者又慨嘆，丈夫聽到後也生氣，只是朋友的話令她難受，特別她需要的器官只能從去世的人身體得到。如果她知道器官出現，可以有機會移植，她和她的家人一定「開心到飛起」，「只是令一邊廂，有人失去家人，傷痛。如果我不行了，我家人也好傷痛。她的說話令我有罪惡感。」

不少網民為發文者送上祝福打氣，「樓主唔好唔開心，你朋友自私，無考慮你感受，不要再接觸佢。你要有盼望，祝福你一切安好，平平安安」、「你唔好胡思亂想，唔係你要捐贈者死，係佢本身生命已到盡頭，佢個份大愛令病人生命得以延續，將來你好返，做多啲好事，承傳佢嘅愛心。祝福」

網民又指朋友口不擇言，「咩呀。死咗先係屍體移植喎，唔係監硬捉個人硬割落黎移植喎。係果個人死咗先移, 唔係因為移植比病人先會死喎」、「有問題嘅係你朋友。人生總有意外，唔係你黑心想人哋死，而係將本來已經注定咗係要離開嘅人嘅身體，協助令一個人延長生命。呢件係一件充滿大愛嘅事，如果你需要接受移植，你接受嘅係一份禮物，而唔係一份內疚。任何人最終都難逃一死，既然已經失去咗生命，何必再吝嗇將自己嘅身體捐出去拯救另一條生命呢？你完全無錯，概念有問題嘅係你朋友。」

帖文轉載自《告訴好朋友病情惡化，朋友卻說》

往下看更多文章

港女會計師「連續工作68小時」過勞暈倒更思覺失調親弟勸考生：不要入行！

2024年04月20日 12:30 最後更新：14:06

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。