帖文引起熱論，網民紛紛斥該名女乘客無理取鬧。
在乘搭交通工具時，為了座位而爭執的事件時有發生。一名港媽於Facebook群組發文，指日前與女兒乘搭港鐵時，女兒欲坐車廂內一個空位，沒料旁邊一名女乘客竟稱「呢個位我要坐嘅」，即使女兒立即起身讓座，仍遭其罵「無禮貌、無家教」，令女兒事後感到十分自責。
資料圖片
港媽於Facebook群組「將軍澳主場」發文指，日前與女兒乘搭港鐵時，女兒上車廂後看到一個空位欲坐下，並向站於座位前的女乘客禮貌地說，「唔該借借」，沒料對方竟回答指，「呢個位我要坐嘅」。女兒得悉後已立即起身讓座，惟該名女乘客未有坐下，反責罵女兒「咁無禮貌、無家教嘅」。
資料圖片
港媽眼見女乘客不停指罵女兒，故忍不住反斥，「你要坐但唔坐低，小朋友點會知道係你要坐呀？」、「細路女有話『唔該借借』，而且旁邊都有其他人聽到嘅，妳一直喺度話小朋友係冇家教，咁我想問下妳點先叫有家教呀？」港媽透露，女兒事後以為自己做錯事，內心十分自責，「點解姨姨話我無禮貌、無家教？我係咪唔乖？」。
資料圖片
帖文引起熱論，網民紛紛斥該名女乘客無理取鬧，「有些人心理唔平衡，同自己有仇，乜都憤世嫉俗，覺得人人都虧欠咗佢一樣！」、「個女以為個世界圍住佢轉」、「佢明顯生活苦悶搵交嚟嗌」；亦有網民大讚女童有禮貌，不應此事過於在意，「小朋友已經做得好好，最重要問心無愧」、「妳囡囡好乖好有禮貌！唔使介意！」、「解釋返俾個女聽，佢今次好有禮貌，要保持，只係有啲人唔講道理」。
女兒搭港鐵欲坐空位，遭女乘客斥無禮貌無家教。資料圖片(示意圖)
資料來源：將軍澳主場
