叫外賣最怕無端被「加料」！有網民指，上班前在北角一間茶餐廳外賣了一碗沙嗲牛肉麵當早餐，但回到公司準備開餐時，竟發現麵中插了一隻曱甴腳，更令她氣憤的是，她事後向店員投訴時，對方的態度惡劣不認賬，甚至反斥客人「口同鼻拗」。
該名網民在社交媒體Facebook群組「中伏飲食報料區」發文，指自己日前早上預計當天的工作會很忙碌，故特地於上班前，在北角一間茶餐廳買了一碗沙嗲牛肉麵當早餐。不過當她返回公司打算享用早餐時，竟發現麵中插住一隻完整的曱甴腳，「成個餐立即扔咗唔敢食」。
「中伏飲食報料區」FB截圖
樓主指，放工後隨即到該間茶餐廳投訴，但當時餐廳已關門，故只好翌日早上再去反映。樓主表示店方並無道歉，對方甚至只打算「賠返碗麵」了事，樓主立即拒絕，並要求索回麵錢。不過店員聞言後態度變得惡劣，指樓主昨日沒有即時反映問題，「係口同鼻拗」，故不會賠錢。
樓主對事件感到十分無奈，坦言「首先噚日真係唔得閒即刻追討，二嚟邊個會專登搵隻曱甴腳嚟呃你嗰40蚊？最重要係明明係你問題，態度仲咁惡劣！」
「中伏飲食報料區」FB截圖
帖文引起網民熱議，不少人都認為事件嘔心，「可能本身成隻（曱甴）喺裡面，之前拎返出嚟，最後隻腳斷咗」、「唔係腳咁簡單，係大強腳」、「最怕係其實唔止一隻腳，而係已經食咗」，另外有人建議樓主應直接向食環署投訴，「下次唔好掉...送去食環嘛」。
unsplash示意圖片
不過亦有網民認為樓主隔日才去投訴，店家有理由拒絕賠償，「講真你落去話賠錢，咩都冇就咁叫人賠，人哋好難賠錢畀你。你話你中午扲埋碗面落去同佢講就話」、「事後隔日先嘈，影咗相都好啦，人哋真係可以瀨死唔認，吹到話你事後加料都仲得」。
資料來源：「中伏飲食報料區」FB
網民發現該碗沙嗲牛肉麵外賣中，竟插著一隻曱甴腳。「中伏飲食報料區」FB圖片
