選委會選舉將於明天(9月19日)舉行。民政事務局局長徐英偉(Caspar)連日來在《有線電視》化身節目主持,訪問各界選委,近日更加訪問到有「金句王」之稱嘅李靜教練(靜哥)。
面對Caspar詢問全運會帶來的契機,靜哥應對自如,話運動既能職業化,又能普及化,甚至拋出課題,要Caspar局長搜集資料,喺全運會期間提供更多市民喜歡嘅運動,增添樂趣。果然係一貫「膽生毛」的作風。
Caspar局長打蛇隨棍上,向靜哥發出邀請函,話:「到時(當局)要普及運動時,會唔會掀起衫袖,落場一起跟市民推動全民運動」;靜哥就無愧「金句王」之稱,話局長「呢個問題問得好,我唔會捲起衫袖,因為我係著短袖」,搞到Caspar同現場人員忍唔住大笑。
Casper其後又問靜哥點應對家長,讓佢哋容許仔女多參與體育運動,靜哥立即話,「第一,徐局長要大力支持撥款,呢個係最肯定」。佢又強調有經濟支持,體育發展就會加快進度。
睇嚟,靜哥一點都不簡單,充分發揮選委嘅角色,為業界爭取福利。
李靜自6歲開始打球,8歲已打遍廣東省少年賽,10歲進入省體校,17歲憑全國賽男單亞軍躋身國家一隊,1997年因病退隊,2000年來港發展,2004年與另一香港選手高禮澤組成雙打組合,被傳媒合稱為「乒乓孖寶」,二人在2004年雅典奧運會摘下男雙銀牌。2011年,李靜淡出香港乒乓球壇,並開始逐步轉型為教練。2013年,李靜接替退休的李惠芬,成為香港女子乒乓球隊主教練。
Ariel
** 博客文章文責自負,不代表本公司立場 **