與岑樂怡為毛孩發聲 Tiger：養得佢就唔可以輕易話唔要

節目為動物庇護站籌款。

ViuTV節目《幫緊你應援團》在昨晚播出的一集，是受到節目主持之一岑樂怡（阿妹）的委託，她帶Tiger@MIRROR到動物庇護站，向他介紹資深動物義工JoJo及燕姐。

相關影片可以按以下畫面觀看：

影片連結： https://youtu.be/5mJ_Y_QllTA

資深動物義工JoJo（左）向Tiger及阿妹介紹狗場環境。

Tiger為毛孩炮製午餐。

阿妹在狗場做了大約七、八年義工，見證愈來愈多善心人改善狗場的環境及設施，不過始終營運狗場的經費龐大，於是阿妹決定與Tiger籌辦一次義賣，為狗場籌款，結果在短短的兩小時內，沽清所有貨品並籌得4萬多元，眼見大家的支持，狗場的資深義工JoJo被感動到落淚：「好多謝呢個團隊咁落力幫助呢班小朋友，香港人嘅愛真係好濃！」

妹決定與Tiger籌辦一次義賣，為狗場籌款。

當日反應熱烈。

多得一班義工出力！

首次到訪狗場的Tiger表示「把聲有少少攰」，但覺得自己做了一件很有意義的事：「佢哋成件事都唔係要有回報，只係單純好想保護佢哋（毛孩），有決心做呢件事係好難，真係要有好多唔同嘅朋友幫手，先可以令呢件事炎繼續維持落去。」他還說：「養得佢就唔可以輕易話唔要！」

JoJo感動落淚。

義賣當日籌得4萬多元，阿妹和JoJo感激大家的支持。

網民留言。

節目播出後，動物庇護站亦有在社交平台出post：「無言感激~~正好用嚟形容ViuTV《幫緊你應援團》嘅第10集既（嘅）心情！ 冇咗阿妹呢位委託人，大樹下唔會有機會收到咁有意義嘅驚喜，改善場內情況！同時好多謝Tiger係（喺）節目中傳遞出『尊重生命，不要棄養，用領養代替購買嘅訊息！』人類雖然不能用言語同動物溝通，但我相信大樹下班小朋友已用盡他／她們嘅肢體語言去感激阿妹，Tiger，節目組所有工作人員和Andy裝修顧問和他嘅團隊——再次無言感激。大樹下只是香港其中一個幫助動物嘅機構，香港仲有好多流浪動物和機構需要幫忙，希望大家咁濃嘅愛繼續延續下去。」

網民留言覺得感動。

動物庇護站亦有在社交平台出post。

阿妹委託節目為動物庇護站籌款。

陳凱琳以身作則。

陳凱琳（Grace）及陳安立日前出席港鐵舉辦「綠鐵B『動』樂日」，而Grace更出任活動大使，推廣低碳環保綠色生活，佢仲攬實「綠鐵B」打卡：「呢日我都想帶小朋友嚟，但係我怕做嘢照顧唔到佢地。依家哥哥都會喺屋企做家務，做吓垃圾分類，小朋友唔驚烏糟嘅，大仔依家做咗細佬嘅榜樣，二佬見佢做咩就跟住做。」

陳凱琳（Grace）日前出席港鐵活動。

Grace從小培育3個小朋友支持環保。

Grace笑言自己不時會坐港鐵過海，即使代步都用電車：「其實小朋友都好鍾意搭港鐵，成日都話要坐，佢地仲有自己張八達通卡，但我教佢地唔好亂咁『嘟』，因為入面有錢係父母好辛苦搵翻嚟嘅。依家會教佢地理財，等佢地有個概念。」佢仲話早前獨自前往歐洲Fashion Week，仲話貪平坐地鐵出入。

陳安立擔任大會司儀。

陳安立與陳凱琳

而陳安立則擔任大會司儀，佢仲自爆老婆會著佢啲二手衫：「我平時好少買衫嘅，都係著贊助啲Product，而著舊咗就傳比老婆做睡衣。之前岑樂怡狂Sell我環保信息，仲講到有『環保M巾』，雖然佢冇講自己有冇用，我都介紹比老婆知，如果要幫佢洗我都唔介意。」

Grace前獨自前往歐洲Fashion Week，貪平坐地鐵出入。