大家對換不換樓意見不一。
樓換大樓是不少樓奴的願望，有網友在討論區問，自己已年近五十，「仲好唔好去換層高級D及方便D既樓好呢？」引來網民們熱烈討論。
資料圖片
這位網友在網上討論區「親子王國」發帖，一日間已吸引八十多位網友留言回覆。這位年近五旬的網友問大家對換樓的意見，他先交代一些自己的情況：「如果維持現狀都算滿足，住緊半新樓有22呎露台，呎數都夠住，仲有閒錢投資吓每月收息剩袋6千元左右。」
至於換樓的目標：「心目中鍾情同區屋苑38呎大露台開場景觀半新樓，佢位置/交通及發展商都優勝D。」
資料圖片
不過，因為年近半百，沒有仔女，對於要換層大一些的樓都心大心細，最擔心財務負擔：「變了要將很多儲蓄補落層樓就冇咩閒錢投資收吓息咁，而呎數同而家果間其實都差不多咁大。」
他希望網友指點迷津：「其實人都半佰(百)係咪應該求安穩....有錢就留起將來退休用及早日供甩層樓財務自由先最重要？」
網友們對換不換樓意見不一，部分人支持換樓：「夠錢一定換，可以住得舒服又可以更保值，身份象徵都上一層。」「我會換，反正冇兒女，冇負擔，享受現在最緊要。」「換！ 再老d可考慮逆按揭，住得好又有錢收！」
資料圖片
有網友則提供折衷方法，建議減輕供樓財務負擔的方法：「能否出租而家果層 + 買心儀樓？」
有同樣年紀「入五」的網友則分享相同處境的抉擇：「正在換樓中，舊樓賣出咗打算租住先，準備抽新盤，我地換樓一來係現住樓有幾樣我唔鍾意嘅嘢，二來係新果層升值潛力高D，到我地退休時，可能會大換細套現，層樓嘅升值能力對我地黎講係重要嘅。」
不過，最多網友建議樓主有錢不如換財務自由，提早退休享受人生：「見好多人準備退休反而會大屋換細屋，拎返筆錢揸手做穩健投資好讓自己每月有收入，你因咩原來反而想換靚d。」「我退休時，只會大換細，做吓定期或者買多間細嘅收租。唔會再upgrade。我之前換樓是因為唔夠住，屋對我來講，夠住同埋交通方便就OK。財務自由更加重要。」「我就唔會換，早D供完財務自由happy happy，供完再諗買第二層。」
資料來源：親子王國
unsplash示意圖
