早幾年Karen曾為星爺作品唱主題曲。
莫文蔚（Karen）接受香港電台主持車淑梅節目《舊日的足跡》訪問，大談對樂壇新人的睇法，又講到電影事業及婚姻。
莫文蔚近日接受車淑梅（右）訪問。
入行已28年的她，因疫情留港，而有更多時間留意本地樂壇，她說：「近年香港樂壇變得活潑好多，新晉歌手（的演出）好精采，MIRROR我未有機會接觸，但有留意佢哋嘅一舉一動，因為哄動全城。呢班後生仔受歡迎係好事，支持返自己人。我欣賞小師妹黃妍好有文藝氣息，都有留意姜濤，佢咁靚仔我一定留意。炎明熹唱得好好，好專業。」
莫文蔚當年與星爺合作無間。
提到下一個目標，Karen表示沒有，只管裝備好自己，淑梅姐問到為何近年鮮有拍電影？是否等待周星馳（星爺）邀請？Karen直言：「佢隨時可以搵我，如果佢鍾意的話。我哋好耐冇聯絡，因為冇特別原因……早幾年佢有搵我同秋官（鄭少秋）一齊合唱《美人魚》主題曲。」至於歌酬是否一餐飯的酬勞？她說：「其實佢隨時可以請我食飯，歌酬？我唔記得咯！」她表示星爺多年來都有不少好好的idea，因對方叫她做的每一件事都好正，與她本人的反差愈大，就愈show到演技。
莫文蔚與德籍老公結婚十年，一直恩愛。
談到婚姻，下月1日便是結婚10周年紀念，Karen表示今年不能一齊慶祝，因老公要返德國陪父親，而她又有工作未能到當地，故已提早慶祝。她又透露老公每年結婚紀念日都會送她一隻戒指：「當年向我求婚嘅時候，緊張到唔記得跪低，於是我要佢每年都再求一次婚，佢年年都做到。」好又提到二人婚後沒有想過怎樣平衡雙方的相處時間，結果是她飛來飛去，她因此變得好內疚，所以決定要作出調整。
莫文蔚（左）表示星爺如鍾意可隨時找她拍戲。
