「辛苦搵嚟自在食」，不少打工一族都十分重視自己用膳時間。有網民在討論區分享一則職場趣聞，提到身邊的年長同事聲稱因買外賣期間餐廳漏單造成延誤，於是自行補回半小時飯鐘，被上司發現後鬧爆，引起網民熱議。
上司聽罷隨即鬧爆，要求阿叔收起飯盒工作。《愛回家之開心速遞》劇照
網民在論壇「香港討論區」發表題為《同事：買外賣遲咗，所以應該要畀返30分鐘我》帖文。這名網民稱，他公司午膳時間由中午12時30分至下午2時。事發當日，「阿叔同事出去買外賣，返到嚟已經話餐廳漏單，搞到佢出咗去成半個鐘先返到嚟office」。
設計圖片
至下午2時15分左右，上司找這名阿叔商談公事，見阿叔仍在用膳，便問阿叔為何，豈料阿叔竟然駁咀「買外賣既時候遲咗，唔係我問題，所以應該補返30分鐘畀我」。
設計圖片
上司聽罷即時火起，直斥「如果個個同事都係咁，咪食到3點仲有人食緊飯」，要求阿叔立即收起飯盒工作。事後阿叔感到不滿，指控上司剋扣了他的午膳時間，直言要向人事部投訴。
事件於討論區分享後引起熱議，其他網民紛紛留言，表示「抵鬧，攞嚟衰」、「HR（人事部）應該要跟進，就是炒了這白痴大叔」、「佢理直氣壯，我真係笑咗」、「阿叔抵被人鬧，遲半個鐘，都仲有成個鐘食」。不過亦有人坦言「阿叔言之有理，可惜公司就係一個奴役人的地方」、「如果我係上司，基於人道立場，我會俾佢食埋」。
阿叔員工聲稱買外賣時餐廳漏單，於是自行補回半小時飯鐘。《愛回家之開心速遞》劇照
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
