TVB資訊節目《我要做業主2》的最新一集，請來張達倫（Max）分享當年儲錢買樓的過程，為了儲首期，Max不惜用盡任何方法，直到年多前才成功上樓，他說：「香港樓貴，要儲首期真係好大嘅問題，我以前係點樣儲到呢筆錢呢？除咗工作慢慢累積或股票賺，有段時間我係恐怖到有朋友結婚，收到請柬又唔想唔去，都想戥佢開心嘛，我就只去一陣，人情就畀少啲要咁樣慳錢。」
為了慳錢，收工都留在公司吃飯。
高海寧在2015年做了業主。
Max表示始終做藝人收入不穩定，就算一元也要儲起來：「嗰陣未有小朋友，一天最多只能用250元，咁呢250元要點樣用呢？可能一餐食麵包，就算放工都要留喺飯堂食飯，仲有外景，點解會冇飯盒？因為早收工就冇，傻咗咩，咩早收工，咁我咪拍夜啲。」最後眼見樓價不斷上升，Max與太太商量過後，把心一橫決定將原先租住的樓買下來，成功上車。
受媽媽的影響，覺得買樓是最穩陣。
同場的嘉賓還有高海寧，早已成為業主的她表示受媽媽的影響，覺得投資磚頭是最穩陣：「而家睇番轉頭，係好慶幸買咗層樓，某程度上你會覺得經濟獨立咗，自由咗，我先可以追求生活上嘅自由。」
張達倫在《我要做業主2》上分享自己的買樓經過。
