去酒店慶祝32歲生日 林芊妤與囝囝對住180度海景歎

 一家人好開心。

林芊妤（Coffee）將於本月22日踏入32歲生日，最近已展開一連串的慶生活動。日前她與老公翟志榮湊住2歲大囝囝習德彥（伯伯）去Staycation，入住超豪華套房。Coffee在社交網上載了一連串短片，片中的她與老公不用走出酒店房間都可以齊齊對於超美夜景做Spa，更同囝囝一齊對住180度海景浸浴，十分識歎。

伯伯晨早好開胃。 

淨係餐桌都咁大。

昨日(19日)兩母子齊撐枱腳食in room breakfast，不過，Coffee就呻話一早被囝囝嘈醒。她說：「想好好歎吓，但發現如果老細喺度嘅話其實依然一樣係咁疲累。今朝630佢就準時叫我起身啦，仲早過平時，即刻打咗落十八層地獄。」

歎世界當然老公都有份。

Coffee同囝囝浸浴沒出樣，洗完白白母子再歎早餐。

林芊妤禦寒能力非常人。

瑜伽紅人林芊妤(Coffee)經常拍片教人做運動，連近日到日本二世古滑雪亦不忘拍片，不過今次拍攝的地點非常極端。

Coffee喺邊度都可以做運動

同平日一樣穿著單簿瑜伽衫褲的Coffee，赤著雙肩，露出纖腰，在零下十多度的氣溫下，示範有氧操，但她表示4分鐘運動已經成身暖和，不過，仍有粉絲擔心她會冷親，她則表示，自己本來在室內做熱身，已預先做熱身體才出戶外雪地，不過粉絲們都要因應身體狀況，唔好立亂跟呀。

Coffee 唔怕凍

指帶氧運動幫她保暖

做完完氣滿滿