*

upload_article_image

中秋前夕攜自家月餅送暖 大廚保哥帶埋家人做善事

  TVB《煮戰》今周去到由最高分數的兩個大廚互鬥,星級廚師黃亞保(保哥)及張錦祥(Ricky)從旁打氣,節目更有刺激性。最近保哥忙到冇停手,除錄影節目外,中秋前夕開通宵製作蛋黃陳皮豆沙月餅,還抽空帶埋老婆及四子女去慈善機構探訪派月餅送暖,好有愛!保哥堅持身教,幫到人係一種福氣。採訪:方騫平

中秋前夕攜自家月餅送暖  大廚保哥帶埋家人做善事

  首年推出月餅的保哥今年中秋前夕,帶同自家製月餅及湯包,分別探訪護老院、露宿者、劏房戶、單親家庭等,大廚駕到相當哄動,受歡迎程度不遜於當紅藝人,唔少「老友記」叫保哥加油,連復康人士透過電視節目見到保哥嘅作品,都讚保哥廚藝了得!
學埋西廚增值
  保哥自覺不是大明星, 但想不到都被認識,「憑自己少少力量可以幫到人,好開心亦好滿足。」着重仔女品行多於成績的他堅持帶埋四位子女同行,亦認為教育小朋友係終身責任:「要培養孩子善心,多做義工,令佢哋體會到幸福唔係必然,而且施比受更有福,日後成為負責任的大人。」越南華人保哥7歲隨家人偷渡來港生活,會考只得一分,不過獨愛下廚,中學時期主動要求加入家政班,是班中唯一男學員:「最近我學埋西廚,都有去中學做講座,跟同學仔分享人生勵志故事,希望能感染到身邊人。」

- 閱讀更多 -

往下看更多文章