娛圈事
最近忙著拍劇。
黃宗澤(Bosco)跟吳卓羲、王浩信及胡定欣等最近日以繼夜趕拍以廉政公署為題材的電視劇《廉政狙擊》， 雖然好忙，但佢哋忙得好開心，經常自得其樂，早前喺學校取景拍攝，一班中佬仲扮學生，話自己回到三歲，佢哋就想嘞。
吹住海風拍劇會唔會好易瞓著?
之前喺學校取景拍攝。
尋日中秋節，Bosco上載咗兩張相到IG，一張係佢着住背心短褲坐喺遊艇上，感覺好歎，正想留言講「你就好啦」，再碌下張相，取景闊咗，見埋王浩信，唓，原來開緊工，當事人話，「祝大家中秋節快樂，不過我都係扮放假，其實都係要開工！」身處海中心開工，好好啦已經。
王浩信、黃宗澤及吳卓羲。
咁樣開工好爽呀。
兩大型男鬥身形
張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！
張繼聰經常騷肌
肌肉幾勁！
Bosco都好Fit
張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。
兩大型男首次健身房相遇！
張繼聰自認有機心！
在 Instagram 查看這則貼文
