有企業家團隊早前趁中秋佳節，在觀塘海濱公園對出海面展出一個15米高的巨型發光月亮，吸引不少人前去打卡留念。不過，有人在社交媒體上載影片，指該個月亮疑似抵擋不住強風吹襲，竟由躉船滾出，不幸漏氣漂浮於海上！
從網上影片可見，本來「漲卜卜」的巨月被強風吹郁，沿海濱長廊不停翻滾；未幾，「月球表面」出現一道明顯裂痕，開始漏氣及扁塌，最後「孤伶伶」地在海上漂浮。
觀塘海濱公園的巨月展品疑抵擋不住強風吹襲，由躉船滾出，更漏氣漂浮於海上。FB圖片
巨月由周日（19日）開始展出至今日，壽命僅5天，令市民又少了一個打卡勝地。
觀塘海濱公園的巨月展品疑抵擋不住強風吹襲，由躉船滾出，更漏氣漂浮於海上。FB圖片
網民卻紛紛笑稱漏氣巨月似「生根」，更有人指「證明月球是會自轉的」、「邊個叫咗貢丸又唔食」、「真係追月」、「終於有機會影晒全面」、「觀塘陸路塞車走唔到是常識吧，唯有走水路囉」、「海底撈月」、「鏡花水月 最後都係一場空」。
影片截圖
資料來源：「香港突發事故報料區」FB
觀塘海濱公園的巨月展品疑抵擋不住強風吹襲，由躉船滾出，更漏氣漂浮於海上。FB圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
