住公屋獨生女大學畢業遇父母退休養家呻壓力被批不該

社會事

住公屋獨生女大學畢業遇父母退休養家呻壓力被批不該

2021年09月23日 16:18 最後更新：09月24日 02:09

有網民的表妹剛剛大學畢業就遇上五旬父母退休，又要還學貸，當家感到壓力，卻不獲其他人理解，更批評覺得有壓力是不應該。

網民在討論區「親子王國」發文，獨生表妹一家住公屋，父母都已經50多歲，差不多她一畢業父母就退休，「佢要養起頭家，佢話好大壓力」。

發文者坦言，表妹讀書成績不是頂尖，並非專業科目，就算求職都恐怕收入不多。她父母都是基層，一個任職外判政府工，一個任職文員。她畢業後要還政府貸款，又正正到父母差不多退休時候，有少少擔心。

不過一眾親戚都不理解，「估唔到個個都話佢，仲覺得佢有壓力係唔啱！」，發文者形容「其實表妹都孝順，見佢有次母親節請（媽媽）去旅行，應該係之前補習part-time賺到錢」，「我都覺得表妹孝順先會有擔心…如果唔care父母根本唔需要『有壓力』」

有人認為，「一畢業如果唔係專業人士，搵雞碎咁多，要養全家係幾吃力嘅，但都冇法，頂硬上，希望過幾年好啲」

有網民就質疑，「唔明問題係邊，我仔同學中學已經做兼職養家，父母供到大學畢業年老退休，做女養返父母有咩問題？」、「父母辛苦養大佢時仲大壓力，諗住終於甩身，原來個女覺得養父母大壓力，父母應該好失望。」、「表妹好自私，只諗自己。大學畢業揾到工，最多咪俾家用，佢千祈唔好倒轉叫父母俾首期買樓。」、「父母無得揀咁可以點，供養係責任黎」

也有一些網民認為，「有公屋住已經算無乜壓力」、「住公屋有幾大壓力呀？當年我畢業嗰年就面對父母退休（6X）丶供居屋嘅日子」

發文者就指，「如果係租樓問題再大啲。有間公屋對好多人黎講當然算是比較好，但佢話就係因為住公屋，即係代表無資產，雖然係唔使太擔心住嘅問題，但就係因為無樓，父母唔可以做逆按揭養老，所以佢要諗父母退休後嘅生活費醫療費，當然，表妹唔係埋怨父母無樓呀，只係呢筆錢佢無得唔諗」

帖文轉載自《點睇大學一畢業就要面對父母退休？》

往下看更多文章

大埔林村河現「神秘圓圈群」不規則排列原來係「外星魚」作怪？

2024年04月19日 12:30 最後更新：14:58

大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。

大埔林村河出現「神秘圓圈群」

有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。

網民笑言：外星人來襲

帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。

街坊拆解真相：非洲鯽築巢

有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。

非洲鯽魚又稱福壽魚，非香港本地物種

根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。