不滿中秋假期返工港媽遲大到獲安撫反發爛渣

社會事

不滿中秋假期返工港媽遲大到獲安撫反發爛渣

2021年09月23日 17:28 最後更新：17:57

有網民抱怨，公司一名在職媽媽中秋節當日遲到反而在公司發難，上司好言相勸反而被斥「點解我要同你交代」。

有網民在「香港討論區」發帖，任職公司都多在職媽媽，「不過有個女同事特別煩，成日覺得自己湊仔大晒，一定要就晒佢，成日一句有事就臨時請半日假咁，之後就咩都理走人」有次只是小朋友去參加比賽，但女同事忘記提早請假，所以才臨急請下午假，但當日本身下午有個客戶會議。發文者說，上司比較和善又都是在職媽媽，所以平時都體諒這位女同事佢，不會拒批假。

發文者說，中秋節當日女同事遲到一小時，返到公司一言不發，板起臉，大家都不敢上前對話。上司見狀於是上前關心她，問她當日為何遲大到，是否發生甚麽事。

豈料個女同事就開始發脾氣，「話佢個仔今朝肚唔舒服，要帶佢睇醫生，又大鬧公司好離譜，中秋節都要人返工，好無人性，一啲都唔體諒阿媽要湊仔。搞到佢無得喺屋企照顧個仔，仲要扑返嚟公司」

發文者說，上司應該都無想到對方發脾氣，「佢就細細聲同女同事講下次可以私底下同佢講聲先，有事唔可以準時返，等大家都無咁擔心。」但女同事聽完之後更加惡，怒斥「點解我要同你交代？我又唔係唔返工，我都係遲咗少少姐，點解要同你講聲？」

發文者抱怨，「真係未見過啲人遲到都咁惡，你個仔肚唔舒服，咁你同大家講聲有事遲少少返大家都理解，但佢好似唔明呢個道理......」

網民紛紛認為女同事離譜，「呢啲咪叫得寸進尺而家唔炒遲啲愈來愈惡」、「如果我係老細，會出封解僱信俾佢，等佢可以專心湊仔。上司咁好，已經好難得，好好彩，點解仲可以咁惡，要全世界圍住會轉，最憎呢種人」、「中秋節唔係紅日，大把公司無假放，想放假就自己請 AL，都唔明發咩脾氣」

不過也有人認為，「最慘係留言果啲人。一份工竟然緊要過屋企人。我相信樓主呢份工都唔係啲咩無敵package 啦，可以只係得基本嘢。咁我作為個正常人要搵返差唔多待遇有幾難？咁係咪小朋友梗要過返工呀」

帖文轉載自《點解遲到都可以咁惡？》

往下看更多文章

港女會計師「連續工作68小時」過勞暈倒更思覺失調親弟勸考生：不要入行！

2024年04月20日 12:30

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。