囡囡落力跳舞冧爆張繼聰 謝安琪讚Kakaball脾氣好

張繼聰大晒同囡囡互動的短片。

張繼聰昨日在社交平台貼上與女兒張靖（Kakaball）互動的片段，冧暈一眾網友。片中可見，張繼聰好曳曳，要阿女畀hand hand佢，先至畀阿女食朱古力，但阿女好乖，無嬲之餘，又跳舞扭pat pat兼擺出不同搞鬼甫士，逗得爸爸張繼聰相當happy，笑唔停仲不停叫阿女面對鏡頭繼續擺甫士，阿女又好聽話，一直應爸爸要求扭身扭勢，0氹到張繼聰冧晒。謝安琪見到老公同個女嘅互動片，隨即留言讚阿女：「脾氣好好，好似佢其中一位屋企人。」網民則留意指張繼聰「好鬼衰」，同時讚阿女「好得意」。

要囡囡畀hand hand先肯食。

難得Kakaball落力跳舞0氹爹哋！

Kakaball表情多多！

唔少人讚Kakaball 好可愛。

謝安琪讚阿女：「脾氣好好，好似佢其中一位屋企人。」

張繼聰又晒同囡囡互動的短片！

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！