《我家無難事》鮑起靜陳年影片曝光 阮浩棕被讚靚仔似陳曉東　

鮑姐由後生靚到老。

無綫劇集《我家無難事》雲集一眾好戲之人包括鮑起靜（鮑姐）、馬德鐘、唐詩詠、楊明、車婉婉、王君馨、關禮傑及楊卓娜等領銜主演。

鮑起靜由後生靚到老。

雖然鮑姐飾演角色羅美蘭在第四集已經離世，但由於其演活了為子女勞心勞力的樂觀好媽子，加上「離世」後獲監製Amy姐巧妙地安排「現身」，故仍備受關注。近日無綫官方社交網推出了一條青春無敵的鮑姐、接受賈思樂及陳玉蓮挑戰玩心理測驗的短片，短片所見年青時的鮑姐不但與現在一樣平易近人，而且五官標緻，笑起上來亦相當甜美；更讓人意外的是，鮑姐當年的打扮現在看起來依然零違和感，盡顯其時尚觸覺。

相關影片可以按以下畫面觀看：

影片連結：https://youtu.be/JqCml0i4wX8

笑容甜美。

鮑姐老咗都一樣咁嬌俏可愛。

喺《我家無難事》入面，鮑姐將佢嘅活潑可愛基因發揮得淋漓盡致。

對於鮑姐陳年靚Look曝光，網民相當驚喜：「鮑姐後生真係好靚，遺傳基因好強，鮑方叔叔！超鍾意睇佢兩父女做戲。」、「依家都好靚。」、「清純，美麗」、「好有氣質」、「女神級」、「後生靚到老，靚得自然。」另網民亦分別指出鮑姐年青時有楊恭如、陳自瑤及黃造時的影子，更笑言下次若要找人演鮑姐年青版可考慮陳自瑤。

飾演年青版郭忠石的阮浩棕被指似陳曉東。

忠石雖然窮，但心地唔壞。

昨晚《我家》講到年青版羅美蘭（楊卓娜飾）遭到年青版郭忠石（阮浩棕飾）打劫，但由於忠石的拍檔期間色心起，忠石最終由刧財變成英雄救美，二人因而結緣。現年30歲的阮浩棕，是「上等人」梁舜燕孫仔，擁有優良基因的他原來數年前已被Amy姐看中：「幾年前見佢已經覺得佢好Charm，近年再見番佢，可能多咗人生閱歷，覺得佢成熟咗同Man咗，而且有種亦正亦邪嘅感覺，好適合演年青版忠石。」網民亦對阮浩棕一致好評，指他有陳曉東影子；另網民亦大讚楊卓娜愈來愈靚兼有女人味。

阮浩棕

王丹妮大讚男神張孝全！

王丹妮（Louise）與張孝全、鮑起靜、Mauricio Henao等主演，台裔美籍導演陳駿霖首部執導全英語對白演出的電視劇《Coolie》，經過近五個月拍攝後，終於煞青，Louise並趕及由多明尼加共和國返港出席日前的金像獎頒獎禮，與《毒舌大狀》的團隊一起分享獲得「最佳電影」的喜悅。近日Louise更收到《Coolie》監製通知該劇正在康城舉行的MIPTV賣片活動中，廣受買家歡迎，令她更期待透過此劇讓國際觀眾認識自己。而完成這次漫長拍攝之旅後，Louise忍不住的說：「終於可以同另一半Sheldon（羅孝勇）重聚；因為五個月前完婚後才兩天，還來不及渡蜜月，我便要飛往多明尼加共和國開工。跟囡囡和老公分開兩地，想死我了！」

王丹妮赴多明尼加拍攝電視劇《Coolie》。

Louise感恩今次參演獲益良多！

Louise三個幾星期前，曾特地返香港拍攝金像獎特刊，趁機陪囡囡雅念玩了兩日再趕返巴拿馬完成最後拍攝，直至日前才正式煞青回港。她直指今次到多明尼加拍劇五個月，是自己有史以來最長一次遠行工作，令她非常掛念老公Sheldon和囡囡。「以前出門做嘢最多三個月之後就會返香港唞一唞之後先再去第二度。但今次時間就再耐啲，honeymoon都無就同Sheldon say goodbye 到而家都未見到面，只靠視像變咗網戀，下星期Sheldon 有一個禮拜假期可以返香港，我哋終於隔咗五個月之後再見面，所以好期待！」

台裔美籍導演陳駿霖首部執導全英語對白演出的電視劇《Coolie》，由王丹妮與張孝全、鮑起靜、Mauricio Henao等主演。

除了老公和女兒之外，身在外地Louise最掛念就是香港的美食，並分享當地人的飲食口味說：「好掛住牛雜河，辣嘢同埋米線，因為嗰邊冇，當地人唔鍾意食辣，反而啲嘢食好鹹，好似成樽鹽倒瀉咗咁…又或者啲嘢飲好甜，半杯都係糖…哈哈。」

Louise自揭被男神張孝全圈粉。

Louise很幸運遇上友善的劇組，讓她輕鬆地渡過五個月的拍攝，又可跟鮑起靜和張孝全偷師演技，Louise先大讚男神張孝全，指自己已被圈粉。「平時我哋兩個都係比較文靜少少比較怕羞嘅人，但係孝全個人非常好，亦都好Humble（謙虛）。拍攝嘅時候兩個人感覺都幾有默契，所以我哋嘅場口其實大部份時間都拍得好順利。現場拍攝團隊入邊嘅女仕們全部都俾佢性格同造型迷倒，佢哋仲即刻搞咗個Fans Club，我都係高級會員！」

而面對影后級鮑姐，Louise表示儼如上了堂演技進修班！

左起：方平、王丹妮、鮑起靜

至於面對影后級鮑姐，Louise形容興奮多過緊張，自己儼如上了堂演技進修班：「我同鮑姐合作拍攝嘅時候真係完全見證到乜嘢係『快靚正』！一秒就入戲！所以拍攝當下我只係focus 努力做好表演，唔記得咗緊張。」此行鮑姐丈夫方平都有同行陪拍，Louise更主動做小導遊帶兩位一齊到處遊覽。

除了3位主角之外，今次Louise參演這部作品結集來自逾40個國家的劇組人員，加上異國情調，風光明媚國度下拍攝，Louise感恩今次參演獲益良多。「團隊上下大家都被南美洲熱情嘅文化日漸影響，例如聽到音樂就會起舞唱歌，同佢哋一齊工作，我自己各方面都學到好多亦成長咗好多。以拍攝完煞科個刻真係好唔捨得，返酒店睇住大家簽晒名送俾我所嘅卡同文字都忍唔住喊咗。煞青party大家都相擁而泣，始終大家唔係喺同一個國家生活，唔知何年何月先有機會再見。 」

Louise趕及由多明尼加共和國返港出席日前的金像獎頒獎禮。

同《毒舌大狀》團隊分享獲得「最佳電影」的喜悅！

至於今次新劇內容，Louise大賣關子亦相當保密，因此不少朋友和粉絲以為過去5個月她去了旅行，Louise笑言大家誤會了：「工作嘅照片暫時不能發到網上，所以大家只見到我終於有得放假嘅時候出去玩嘅日常，而難得放假就當然會搵嘢玩搵嘢食感受當地生活同文化，所以大家以為我返工返到去旅行度假咁，其實係錯覺嚟嘅，哈哈。」