為分隔兩地情侶傳遞愛意 吳業坤被周奕瑋爆日本有艷福

Jarvis爆坤哥被最靚的空手道女運動員打，二人又成為網友。

吳業坤（坤哥）和周奕瑋（Jarvis）主持的TVB新節目《#好掛住日本》，被網民質疑二人用奧運簽證到奧運村及比賽場地以外地方拍攝節目是否恰當，不過TVB隨即表明他們沒有違規。

二人為受疫情分隔兩地嘅人傳遞思念。

今日（24日）兩位主持人聯同節目嘉賓方力申（小方）出席有關宣傳活動，有否被事件影嚮心情？坤哥與Jarvis均表示沒有，坤哥更笑言從小方身上學會少看網民評論為妙，因自己是為觀眾帶來歡樂，故要保持正能量；又自嘲已數年沒有主持旅遊節目，卻鬧出這些新聞，可能是得罪人。

周奕瑋（右）爆坤哥（左）有艷福。

坤哥表示少理網民評論，做好自己。

隨即坤哥落力宣傳：「希望大家多留意呢個節目，因為唔只係介紹食買玩，仲送暖為受疫情分隔兩地嘅人傳遞思念，其中最難忘係為一個香港女仔向分隔咗一年多嘅日本男朋友表逹愛意，我更係用肢體表達，事關物理方面，男人會明白男人嘅構造....其實係代女仔向男仔送擁抱。」

方力申的初戀女友是日本人。

Jarvis就爆料指與坤哥在節目中除了做「信鴿」，坤哥更有艷福，被最靚的空手道女運動員打，二人又成為網友，身高還相當合襯，只可惜坤哥年紀大，足夠生對方出有餘。而小方即自怨不懂日文，唯獨自己沒有艷遇，但透露在13歲時游水認識的初戀女朋友正是日本人，因對方識得英文可以溝通，他笑言：「已經係30年前嘅事喇，最近喺社交平台重遇，對方已經係幾個小孩嘅媽媽。」

坤哥和周奕瑋主持新節目《#好掛住日本》。

原來方力申係Big Boss張頴康嘅幕後代理人！

由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。昨晚（19日）一集劇情有重大推進，原來冠峰（方力申飾）是失了憶的魏子樂（張頴康飾）幕後代理人兼狂熱粉絲，在暗網以Perses身份幫助子樂執行復仇計劃！

小方身份曝光，原來佢係Big Boss張頴康嘅幕後代理人！

兩人年輕時已經認識。

兩人年輕時已經認識。

冠峰與子樂年輕時早已認識，兩人透過 Online Game結為好友，冠峰與爸爸（黃子雄飾）住在荒島時，感到生活既苦悶又壓抑，後經思想極端的子樂洗腦、殺掉自己的「痛苦根源」—親生父親，並重獲自由返回城市，自此冠峰便將子樂奉若神明。後來受盡喪妻之痛的子樂，在暗網聯絡冠峰，要求冠峰代為執行報仇計劃；惟子樂後來腦部缺氧導致失憶，冠峰便借協助O記查案為名、近距離接觸子樂為實！另邊廂，電腦奇才天祖（高鈞賢飾）與女友Ana（馮盈盈飾）協助警方凍結Perses的資金鏈，成功阻止Perses執行恐襲。冠峰深感自責之際，發現外國研發了一種新藥可以加速修補大腦受損部位，遂希望以此藥喚醒子樂記憶……..

小方借協助警方為名，接觸張頴康為實。

張頴康「洗腦」搞到小方弒父。

形象正面的小方今次罕有飾演反派，演出令人眼前一亮；小方今次演出的難度位，在於要在「理性睿智」Mode和 「狂熱信徒」Mode之間不停切換。小方「理性睿智」Mode時表現冷靜沉實，但當切換成「狂熱信徒」Mode時，小方則會頃刻變得理性盡失兼躁狂。昨晚一場小方VS高鈞賢、馮盈盈的網絡大戰， 一拳難敵四手的小方節節敗退，期間激動得爆汗不特止，更谷到額頭青筋盡現，「瘋癲」指數爆標！

小方幫張頴康報仇係為咗報恩。

呢場電腦大戰，小方爆晒汗兼爆晒青筋，「癲」味勁濃。

與張頴康獲封螢幕CP
講到劇中真正身份終於揭盅，小方受訪時笑言：「依家觀眾唔使再估喇！劇中子樂係冠峰唯一嘅朋友，佢係幫我脫離爸爸魔掌嘅人，所以當正佢係恩人，我要報恩幫佢完成報仇大計。」小方坦言角色很有挑戰性：「最難係要諗點樣鋪排，始終唔想脫離角色性格太多，唔想做得太過火，又想有意外驚喜帶到畀觀眾。呢個角色平時嘅情緒係比較平淡、冷靜嘅，但因為成長背景搞到性格有啲缺憾，所以有時會失去理智，要選擇『跳掣』嘅時機係最難嘅。」講到與張頴康非常合拍，更被笑指是CP，小方說：「同佢合作得好開心，大家都希望每一場戲觀眾都睇得開心，我哋兩個都會有商有量去傾點樣做好啲，佢係一個相當專業嘅演員，希望將來可以再合作多啲！」

呢場電腦大戰，小方爆晒汗兼爆晒青筋，「癲」味勁濃。

小方發現咗新藥可以幫到張頴康，睇嚟二人之後同警方仲有一番龍爭虎鬥。