區永權入行22年 靠一招成緋聞絕緣體

做歌手日子難捱。

暖男爸爸區永權日前接受黃婉曼（Icy）的facebook直播訪問，權權帶來結他唱歌仔，還促使Icy開金口，二人合唱一曲《小酒窩》，Icy超級緊張，權權鏡頭前叫她多飲紅酒壯膽。

區永權即場唱Live，黃婉曼亦難得開金口。

Icy和權權相識10年，二人當年在nowTV共事結緣，她大讚與權權合作最放心。Icy重提權權1999年與徐繼宗和陳鳳組成星盒子闖樂壇，他坦言在台灣發展那段日子很「折墮」：「唱片公司係預支咗一筆版稅畀我哋，但三個人分，我哋唔知幾時再有糧出，結果喺台灣捱咗3年就回港。」機緣巧合下，權權加入有線轉做主持，輾轉2015年再過檔TVB，憑着口才了得獲得做大騷司儀的機會。

二人當年在now TV共事結緣。

權權近日主持TVB節目《代溝關注組》，螢幕後他跟兩子相處並沒有代溝，因為父子間經常打成一片。入行22年的權權零緋聞，更是圈中公認的「愛妻號」，Icy追問他如何練成「緋聞絕緣體」？他說：「靠自己檢點啲，我主持工作多，少同拍檔有埋身互動，即使有人居心叵測，我又唔係小鮮肉，我又有老婆，黐我都冇用。」

區永權與太太育有兩子。

區永權曾與徐繼宗和陳鳳組成星盒子闖樂壇。

Icy好奇權權在太太心中優點，權權口快快自爆：「問區太，兩個仔會知，透過房門就知。」權權答案帶神秘感，令人充滿遐想，Icy笑言「答案唔出得街」。

區永權是緋聞絕緣體，入行多年零緋聞。

堪輿學家麥玲玲帶領吳兆麟、蔡景行主持清談節目《玲玲友情報》，昨晚（4月10日）一集主題為「主播唔係咁易做」，嘉賓為「天氣女神」黃婉曼。

黃婉曼（Icy）身為第一代「天氣女神」，當年她報道天氣時憑活潑跳脫的名句「我哋一齊跳出香港」，頓時成為萬千宅男的女神。她跟老公的邂逅始於馬場，過程非常浪漫。婚後她飼養的一匹馬，以「跳出香港」命名，先後贏過不少獎金及榮譽。

昨晚（10日）一集嘉賓是初代「新聞女王」Icy。

即場票選當年的新聞女神。

Icy在節目中自爆當年做天氣主播時的秘聞，因為表現較跳脫，又要講自家名句「我哋一齊跳出香港」，所以好多時都是赤腳上陣錄影，她笑說︰「公司提供嘅高踭鞋太高，所以我會除鞋報天氣，方便行嚟行去。同埋顯示世界各地天氣嘅布告板，其實只有觀眾睇到，我哋係要估個位置，邊度係北京、邊度係香港。」

Icy笑言報天氣地理位置，好多時是「靠估」。

Icy笑言報天氣地理位置，好多時是「靠估」。

講到跟老公馮柏基的邂逅始於馬場，Icy相信是「命中注定」，她甜蜜表示︰「同老公都係馬場識，都相信緣份。係馬場唔同場合下碰到三次，當時覺得真係有緣。同埋自己鍾意少少肥，肥肥哋幾得意，同老公係由有好感開始。」

Icy在馬場三遇老公，相信緣份天注定。

Icy在馬場三遇老公，相信緣份天注定。

Icy將復出幕前主持《飲食新聞報道》。

傳播學系出身的Icy，任幕前時不時要跟記者打交道，入行時有友人忠告不可以同記者做朋友，但她並不同意︰「藝人同記者關係唇齒相依，到而家我都有啲識咗超過10年嘅記者朋友。」玲玲師傅亦表示認同，部份記者都會講義氣︰「當然好似你咁講，做咗啲好壞嘅事，真係好難幫你寫好。但有時要幫手要宣傳，都會無所謂，重點係你對人要真誠，大家先做到朋友。」她笑言5段新聞有3段寫好，已經當贏，不要太介意報章的報道手法。

玲玲師傅表示同記者交往，前題是要夠真誠。

玲玲師傅表示同記者交往，前題是要夠真誠。

玲玲師傅直言歌功頌德的娛樂新聞沒有收視，多年前一篇報道卻令她印象深刻︰「好記得有次出去買鞋，緊係彎低身試鞋，點知後來段新聞標題係『麥玲玲倒奶買鞋』。」事後她致電報館相熟記者，笑笑口問︰「點呀，唔通隻腳擺喺個頭咩。其實又無乜傷害性，鬆容啲一笑置之。其實大家咁努力，都係想人寫你啫，今日新聞，聽日就唔記得咗啦，唔使太認真，娛樂圈就係咁。」

玲玲師傅對多年前的「倒奶試鞋」新聞，一笑置之。

玲玲師傅對多年前的「倒奶試鞋」新聞，一笑置之。