多月前的一個下午，三點左右，在沙田大圍逛街，逛到積善街，見到一間，好有人氣，排排座等睇中醫師。又打理得，好有條理，好潔淨嘅藥材舖。望入診症室，見到好精神好硬淨，面容清澄身體健朗，約六十多至七十歲中醫師，坐在椅子，幫人把脈。
入面排隊隊，坐住一個接一個，由醫師診症室，排到差不多，排出店面，等見中醫師。 從窗外，窺見醫生，好親切問症。見到這位潘醫生，咁鬼好生意。我就行近，執藥櫃面，問忙碌的執藥師，我要看病呀。藥師好似用，慣常的食指頭，好像仙女指出生路，指點迷津一樣，指住店前，陳列珍貴藥材櫃面上，一串好似黃色圓膠籌碼，寫住號碼編號，我望一望黃膠圓片，寫上66號，再望一望，坐在頭坐位，的排隊等看病，的病友揸住50多號，心想都是等十個人左右，可以等喇。估計取完籌，走出附近，兜個圈子，不到廿分鐘，回到藥材舖，就到我見潘中醫啊。
廿多分鐘，行走完整個小大圍，返到嚟潘中醫，竟然仲未到我喎。還差三位，我唯有排住隊，貼住醫生診症室門外，偷聽醫生與病人對話。潘中醫師，把住病人手中脈，問病人什麼事呀。病人就講，我心頂住，好不舒服呀。潘中醫師，好有力的聲線，你嘅心冇事，喺你個胃，頂住你個心，影響你個心，令你的心，不舒服啊。你要自己返屋企煲藥，因為呢種藥，我哋幫你煲唔到。
心痛的病人看完離開，終於可以，輪到我啦，放低隻左手，俾潘醫生把脈。望住潘老中醫師，問潘中醫師，我有什麼毛病呀。醫師答，你沒有大毛病。我話忘記說，我對香港腳，久不久，小腿就好痕。以前有位，張燦勳老中醫師，給我葯單，治癒好我。叫我如翻發，再痕癢，就執藥煲飲，每次一飲，就不痕呀，但是冇得根治喎。
潘中醫師聽完，即時問我取藥單看。這位潘中醫師，真是利害，肯不恥下問，向病人取，有效有用藥單，令自己精益求益，砥勵前進，抵他的病人，排隊排到門外，等潘中醫師看病。我即時對，潘中醫師說，你真利害，有效藥單，即時索看，你真是不斷求進步。潘中醫師講說，我80幾歲，如果不是不斷學習，點解天天，百多人，等我看病症呀。
睇完病，取完胃氣藥，揸車返出九龍，一路摣車，一路想起。早排同香樹輝夫婦，在沙田馬會，5樓食法蘭西大菜。香樹輝太太，講開十多年前，頸椎生骨刺，壓住神經系統，睡又睡不好，望小小電腦，頸又梗，手指又麻痺 ，搞到了週身不妥。睇好多大醫生，都睇不好， 一係就要開刀，但風險是有機會癱瘓。再者，不擔保會不會復發，骨刺可能，有機會，再增生，出翻來，到時又要劏，真是醫無可醫，諗極諗不通，到底劏不劏，切不切骨刺。
江一葦診症醫書。
香太話，有一天，在屋企，望見枱面上，看見香先生以前喺星島日報，做首席執行官，返工攞返嚟嗰本，江一葦診症醫書。好似江老師顯靈，仙人指路，叫我打開醫書，就看見專醫骨刺名湯，木瓜白芍湯方， 可以治癒骨刺。當時什麼方法用盡，西方骨科大醫生睇盡。死就死，真是死馬，當活馬醫喇。我香太太，即時挪著本，江一葦醫書，去荃灣找相熟藥材舖，搵老闆又是中醫師問問，這本中醫書，這條木瓜白芍湯方藥單，可唔可以醫好，我頸椎的骨刺呀。不知是否好彩呀，定話這位荃灣藥材舖，老闆中醫師，有修養，肯學習前輩，江一葦神醫，望住張藥單，話得嘅得嘅得嘅，挪住藥單，每個星期，根據我病情，將藥物加加減減，飲到40劑，開始不痛不麻痺。飲到48 劑完全好番曬呀。
醫書中的「木瓜白芍湯」
病癒，真是感覺，有重新做人的快樂， 精神爽利，活動自如。搞到自己，都不是，好相信。江一葦神醫，留下的醫書寶典，竟然將我啲骨刺，完全化掉，解決這個睡不到，做事做不到，抬手轉頸都不能，慘過死的頸椎大毛病。今天仲以為自己發緊夢，完全醫好呀。我初期，都唔喺好相信呀，所以我專誠，懇請陳求德骨科大醫生， 問問可唔可以，幫忙我照照X光，睇下條骨刺，重喺唔喺頸椎度㗎。點知陳大醫生，大大聲講，X光都有輻射㗎，有風險㗎，不痛就是好喇，好咗，就唔好理佢啦。事隔十幾年，今天仍然活動自如，沒有番發，真是感恩，江一葦神醫師，留下寶典，濟世活人啊。
香樹輝夫人，中文大學畢業，往外國深造，外國名牌大學碩士，前美國領事館，華人最高級，絕對番書女出身，睇極名牌西醫，治療不到。竟然一本，已逝江老師名中醫師，留下著作，一頁藥湯，徹底治癒，西醫不能治，的頸椎骨刺病。其實我們中國，不只中醫偉大，還有好多好多，我們應該，繼續探究，繼續發揚，繼續應用，令世人得益。
小強
** 博客文章文責自負,不代表本公司立場 **
