一眾神徒點都會支持。
Anson Lo（盧瀚霆）、Jeremy（李駿傑）和Stanley（邱士縉）今日到旺角出席活動，近千粉絲一早到場支持，雖然他們只是現身短短18分鐘，但都識做地走到不同位置與粉絲影大合照。對於他們每次出席活動，大批粉絲都會前一晚到場霸頭位，Jeremy表示現在有愈來愈多機會見到他們，呼籲粉絲不用辛苦通宵拍隊，雖然見到大家來支持他們好開心，但希望大家要注意安全，更貼心叮嚀粉絲要注意身體，因為現時天氣轉涼，不要勉強，又說日後有機會都會來到這裡打卡。
現場有近千粉絲一早到場支持。
Anson Lo還表示擔心大家的安全，「我們知道大家一早到來，是想趁商場開門就找一個有利位置見我們，但要守好秩序，最重要不要受傷。」Stanley指哥哥都有向他要專屬口罩，但他自己都不肯定夠不夠存量，笑言要問公司才知有沒有一盒可送給哥哥。
他們三人呼籲fans不要辛苦通宵拍隊，要小心注意個人安全。
Anson Lo日前推出新歌《Megahit》，MV在22日上架至今，短短4日已經超過100萬點擊，成績很好，他感謝大家的支持：「跳唱歌是我一直想堅持要做的事，有時都會擔心，不知大家是否喜歡這個新的跳唱風格，但見到好多FANS和街外人都給我好多評語，好多謝大家。」
Anson Lo新歌《Megahit》的MV上架4日已經超過100萬點擊。
講到MV請來不少嘉賓合作，Anson Lo笑謂希望帶給大家驚喜，所以才會找一些未合作過的嘉賓，不過他直言是先設計好角色和劇情，才找適合的嘉賓演出，並感謝鄭中基、鄭欣宜、何啟華等人的幫忙，因為要夾齊大家的時間很難，但他們都肯答應幫忙，令他感到非常SWEET，揚言超級多謝他們，也希望大家也代他多謝他們。
另外，今日是隊長Lokman（楊樂文）的生日，問他們會如何和他慶祝？Jeremy即笑說：「我們現在等隊長請食飯，即刻回去和他說生日快樂，請食飯先。」
今日是Lokman的生日，他們笑言要等對方請食飯！
MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。
《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」
Anson Lo推出新歌《深閨》。
觀看相關影片按連結：https://youtu.be/70vVZqVsqeg?si=9RD6my9ItvtgApW3
Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。
Anson Lo自言是住家男人。
如果鍾意一個人會好想24小時黐住對方。
對於Anson Lo來說，《深閨》所說的愛情觀與他本人很吻合。
為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」
Anson Lo揀選巴黎拍MV，全因這裡予人浪漫、Fashion又Cozy的感覺。
與《深閨》中的愛情同樣十分浪漫，又無拘無束。
被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」
雖然要巡演又要拍MV，會好，但Anson Lo坦言：「應付唔到都要應付。」
這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」
首次踏足巴黎的Anson Lo除了拍MV以外，亦有在當地遊覽。
