橫過馬路時須留神!近日網上流傳一段影片,片中一名男子橫過馬路時,疑目光過於集中在一名路過女子身上,未有注意腳下而不慎踏空,衝前撞倒放在路邊的直立式廣告牌,網民紛紛笑指,「𥄫女都要睇路呀」!
https://youtu.be/TPbkwEsO5pY
一名男子橫過馬路時,疑𥄫女不慎跌倒。影片截圖
有網民於Facebook群組「扮工室Online」分享一段影片,片段於昨日(25日)下午4時許拍攝,一名身穿藍色上衣男子橫過尖沙嘴金馬倫道,踏上行人路石壆時,疑不慎踏空衝前約數米,頭撞路邊一個直立式廣告牌,招牌應聲倒下,發出清脆的「呯嘭」聲,男子將廣告牌扶起後立即尷尬地離開。
男子衝前撞倒放在路邊的直立式廣告牌。影片截圖
眼利的網民發現男子跌倒前,目光停留在一名路過女子身上,相信因「𥄫女惹禍」,提醒「𥄫女還𥄫女,都要睇路嘅」。
廣告牌應聲倒下。影片截圖
網友對於片中男子的行為不約而同笑指,「掛住𥄫女,出事㗎嘛」、「真係紅顏禍水」、「學老人家話,過馬路唔好玩手機,而家係過馬路唔好掛住望女」;亦有網民留言指翻看多次仍然十分搞笑,「睇咗5次,睇親都笑」、「睇咗好多次,依然好好笑」!
一名男子橫過馬路時,疑𥄫女不慎跌倒。影片截圖
資料來源:扮工室Online
食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。
有食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。Getty圖片
該食客於Facebook群組「油塘人之家」發文,表示日前到油塘大本型商場內某酒樓用膳,甫進入內,一位侍應示意他入座,當時樓主見現場未滿座,而且大部枱未有人清理,於是找了一張4人卡座獨自坐下,怎料侍應隨即走到他面前,收起碗筷,並告知他需要付3人的茶芥費用「仲要大大聲話公司規定」。樓主非常氣憤,於是拍枱走人「枱又唔執錢就識收,真係頂唔順即走,本地消費真係靠晒佢哋」。
從樓主上載的照片可見,酒樓的確張貼出告示,說明因座位有限,1至2人選擇坐4人卡座,需付最少3位茶芥。
酒樓的確張貼出告示,說明因座位有限,1至2人選擇坐4人卡座,需付最少3位茶芥。(FB圖片)
帖文曝光後,有網民到訪該酒樓的類似經歷「我都試過,當日已是下午茶時間,且茶客稀少嘅!我哋兩位,選擇卡座位,我都俾職員提醒,要收多1位茶錢嘅!真是創意無限」、「我今日都同樓主一樣經歷,入去話一位,個職員話有位就坐,但張張都坐左人。一係就未執枱」、「領教過晚飯1次。餐牌太多規矩。服務態度差。唔會再去」。
不少網民批評酒樓的做法。(Getty圖片)
雖然不少網民批評酒樓的做法「趕客之都果然名不虛傳」、「最簡單,唔好幫襯,等佢執」;不過亦有人表示「如果俾三位茶錢而冇其他人搭枱,我都可以接受」、「佢個卡位係可以望出睇到街景,坐得闊落d唔使搭枱,上次我兩位入座照比佢,黃昏食住睇日落靚景,我覺得冇所謂」、「係咪唔會被搭枱?如果是的話,我會比」。
有人則表示如果座位舒適又不用搭枱的話,會願意多付茶芥。(Getty圖片)
帖文來源:Facebook群組「油塘人之家」