*

upload_article_image

黃宗澤拍劇中暑要吸氧 需背大量法例「背到口臭!」

黃宗澤(Bosco)、王浩信、張達倫、孔德賢、胡㻗等昨日為邵氏新劇《廉政狙擊》拍攝外景,劇情講述廉政公署總調查主任的Bosco帶領下屬拘捕一名犯法的公職人員,當中有爆破、飛車等驚險場面。Bosco身穿西裝在炎熱天氣下拍攝,笑言一個月前拍攝該劇初嘗中暑滋味,熱到出冷汗又手震,幸好當日拍動作戲有救護人員在場,於是走去即吸氧氣,他說:「拍呢部戲我動作戲不多,最辛苦係背讀法律條例、人名,法律條例是真的,所以唔可以記錯,連續拍了兩日ICAC戲份,講到我口都臭呀!最慘一人一段對白,全部人唔可以錯,背到我就嚟可以做律師!」

資料圖片

Bosco笑言今次與胡定欣、黃智雯及王浩信等一班好友齊齊演出,就連「萬歲」請客都要度期,亦承認自己經常請客,笑謂食到個個變肥,更提議戴祖儀做個貪食的ICAC職員,可以日日食零食。提到當年獲得最高收視的主演劇集《護花危情》將重播,令不少網民留言表示期待,亦有好多人為他當年未能奪得視帝而不值,雖然過往演出過很多受歡迎的劇集,但與視帝獎項均擦身而過,更認為TVB欠他一個視帝,對此Bosco坦言:「我覺得收視好、觀眾睇得開心、鍾意部戲就夠啦!視唔視帝真係無諗。(成為網民心目中的視帝?)咁就多謝啦!喺你哋心目中OK就得㗎啦!(奪得視帝獎會更開心?)將軍澳太遠啦!我去攞獎太遠嘥油呀!我記得套劇當時播映,好多觀眾都好鍾意,我覺得已經夠啦!好多人戥我唔抵,不能跟鍾嘉欣終成眷屬、睇到好肉緊,但已經好成功!」

- 閱讀更多 -

Tags:

往下看更多文章