曾於90年代加入樂壇的劉祖兒(Joi)憑歌曲《喜歡我》彈出,首張專輯更獲得金唱片,惜跟唱片公司意見不合,快閃兩年便隨另一半轉做美容,而一直沒放棄音樂創作的他,早前推出純跳舞音樂大碟《3 UR Mind》並於德國、英國及日本等地發行。另外,離世28年的黃家駒生前曾為Joi製作的歌曲《重覓》也即將面世,他表示會繼續享受創作。
撰文:黎寶倫 攝影:葉君海 場地:Aqua

  為配合時代轉變,劉祖兒為《重覓》重新編曲及填詞,「我以家駒角度諗呢件事,當我哋生活上遇到一啲困難時,我哋應該用積極心態面對,所以我將歌詞改得鼓勵性啲。」回憶與家駒相處的點滴,Joi大讚對方冇架子、好Nice,仲好照顧他,「做新人時喺肥媽間卡拉OK,佢陪我上台唱歌練膽,我好開心,因為當年佢已經好紅,都唔介意同我唱啲唔係佢唱開嘅歌。」
做網絡歌手自由度更高
  說到現時樂壇更多樣化,不再一味流行唱情歌,Joi點名讚人氣組合MIRROR和ERROR靚仔又有才華,也樂見新生代歌手獲得更多機會,他們的冒起也為壓抑的港人帶來不少娛樂,「我幾欣賞姜濤首新歌《Dear My Friend》,講佢朋友離開,我覺得唔簡單㗎!我哋點將自己嘅唔同諗法、感受擺入專輯裏面,呢個先係音樂人應該做嘅嘢。」並謂這世代當網絡歌手,自由度較簽大公司更高,正如22歲細女劉芝伶(Jillian)8年前以學業為重,放棄赴韓當練習生,兩父女唔覺可惜,皆因將於演藝學院畢業的囡囡音樂天份比他高。」他笑言自己經常問囡囡意見,「我日日捉佢聽自己啲歌,因為我差唔多每日有新歌。(囡囡厭未?)老婆厭啲,哈哈。」

更多相片

  曾於90年代加入樂壇的劉祖兒(Joi)憑歌曲《喜歡我》彈出,首張專輯更獲得金唱片,惜跟唱片公司意見不合,快閃兩年便隨另一半轉做美容,而一直沒放棄音樂創作的他,早前推出純跳舞音樂大碟《3 UR Mind》並於德國、英國及日本等地發行。另外,離世28年的黃家駒生前曾為Joi製作的歌曲《重覓》也即將面世,他表示會繼續享受創作。 撰文:黎寶倫 攝影:葉君海 場地:Aqua

  為配合時代轉變,劉祖兒為《重覓》重新編曲及填詞,「我以家駒角度諗呢件事,當我哋生活上遇到一啲困難時,我哋應該用積極心態面對,所以我將歌詞改得鼓勵性啲。」回憶與家駒相處的點滴,Joi大讚對方冇架子、好Nice,仲好照顧他,「做新人時喺肥媽間卡拉OK,佢陪我上台唱歌練膽,我好開心,因為當年佢已經好紅,都唔介意同我唱啲唔係佢唱開嘅歌。」 做網絡歌手自由度更高   說到現時樂壇更多樣化,不再一味流行唱情歌,Joi點名讚人氣組合MIRROR和ERROR靚仔又有才華,也樂見新生代歌手獲得更多機會,他們的冒起也為壓抑的港人帶來不少娛樂,「我幾欣賞姜濤首新歌《Dear My Friend》,講佢朋友離開,我覺得唔簡單㗎!我哋點將自己嘅唔同諗法、感受擺入專輯裏面,呢個先係音樂人應該做嘅嘢。」並謂這世代當網絡歌手,自由度較簽大公司更高,正如22歲細女劉芝伶(Jillian)8年前以學業為重,放棄赴韓當練習生,兩父女唔覺可惜,皆因將於演藝學院畢業的囡囡音樂天份比他高。」他笑言自己經常問囡囡意見,「我日日捉佢聽自己啲歌,因為我差唔多每日有新歌。(囡囡厭未?)老婆厭啲,哈哈。」