Skip to Content Facebook Feature Image

嘉泓物流2130|夥愛點擊及京東國際推出酒市平台

錢財事

嘉泓物流2130|夥愛點擊及京東國際推出酒市平台
錢財事

錢財事

嘉泓物流2130|夥愛點擊及京東國際推出酒市平台

2021年09月27日 10:50 最後更新:11:37

嘉泓物流(02130)公布,旗下專注於葡萄酒及烈酒的電子市集平台「酒市」正式上線,將會借助愛點擊集團(ICLK.US)的線上營銷解決方案,向中港消費者提供一站式購物體驗,並與京東(09618)旗下供應鏈解決方案服務商京東國際合作處理跨境物流服務,加強中港美酒電商市場的布局。


「酒市」是由嘉泓物流自行開發的微信小程序,向中港包括酒店、食肆及美酒愛好者在內的消費群體,推廣及銷售來自世界各地的美酒產品,包括紅酒、白酒、香檳及氣泡酒。(jh)

往下看更多文章

古天后日誌|20日線重要支持不容有失

2023年06月21日 10:38 最後更新:13:18

6月21日,天氣炎熱,大致天晴,局部地區間中有幾陣驟雨。隔晚美股低開低走,不過龍頭股之一嘅Tesla股價因為再有車商加盟其充電站,帶動股價升5%,美股亦於低位反彈,道指收市跌245點;標指跌20點,納指跌22點,標指喺4300有不俗支持,暫時仍然算係高位整固。VIX唔算過,市場等待鮑爺今晚聽證會有乜講,睇睇會唔會從佢嘅口中,得知未來息口路徑方向。

美股方面無乜特別消息,但隔晚中概股跌到一仆一碌,反映中概股嘅金龍指數跌逾5%,主要係618購物銷售未如理想,大行出晒報告唱好電商股亦幫唔到手,拼多多插水7%,京東(09618)亦跌6%。雖然阿里(09988)指張勇辭去CEO一職,係為咗專注阿里雲發展,但市場又未必會好放心。事關有消息指,馬雲對於目前阿里狀況相當擔心,怕失去其龍頭地位,喺激烈競爭下,如不能走出困局,阿里會相當大鑊,呢個亦係點解阿里喺低估值下,股價遲遲未能重返紅底水平。

至於港股都無乜好講,國常會結束,但阿爺未有推出任何刺激經濟措施,繼續打嘴炮,雖然減咗息原意係想鬆一鬆銀根,卻搞到人民幣繼續走軟,A股跟港股噚日都腳軟。美國國務卿訪華,雖獲習大大會見,雙方見面後,未有發表任何聯合聲明,反映雙方未有共識,只係關係上打開僵局缺口,但始終你有你講,我有我做,唔見得美國會停止制裁中國企業。等待好消息嘅投資者失望,又再沽貨離場,恒指回試50日線及250日線,成交更縮水至1000億之下,一句到尾,港股缺水情況,由18000展開反彈都無改善過,挾淡倉亦有停止嘅一日,北水買入又賣出,周一淨買入,噚日又淨沽出,根本唔會同你坐定定。散戶更加係心灰意冷,韭菜被割得多,早已轉戰美股,甚至其他市場,跟巴菲特買日股都仲有希望,港股早成棄嬰,上上落落,有波幅,冇升幅,當早前港股重見二萬,古天后已提示反彈浪隨時完結,今日一旦再失守最後防線20日線,睇怕新一輪跌浪又再展開。

你 或 有 興 趣 的 文 章