1歲女盪鞦韆食「波餅」男子遠處道歉 港媽批「肇事逃逸」

照顧小朋友為父母的責任。一名港媽於社交網投稿指，近日攜1歲的女兒到公園盪鞦韆時，被一個足球迎面撃中臉部，事後疑為一群小朋友的監護人於遠處道歉，遭港媽批評其處理方法不恰當，故向該名監護人詢問聯絡資料，並指「如果我阿囡今晚有咩事我搵返你」，事件引起網民的熱論。

設計圖片

該港媽於Facebook群組「生仔要考牌系列」投稿指，趁天氣稍涼，昨晚（26日）與丈夫攜1歲的女兒到公園玩耍。當時公園內不乏小朋友正嬉戲，港媽發現嬰兒鞦韆仍有空位，故二話不說立即帶女兒盪鞦韆，沒料此時遠處有一個足球飛至，迎面撃中女兒的臉部，港媽形容當時情況，「BB食正個『波餅』！係正面」！

事發後一名陌生的男子於遠處道歉指，「唔好意思，無心嘅」，與小朋友繼續玩耍。港媽懷疑男子為該群小朋友的監護人，批評其處理方法不恰當，「完全無走埋嚟睇吓有冇事，竟然就咁講完就走開咗，仲繼續同啲細路玩」。

設計圖片

其後港媽直接走到該名監護人面前，先詢問姓名，並要求他留下聯絡電話，「如果我阿囡今晚有咩事我搵返你」，對方回答後亦無奈表示，「我都真係無心啫，所以我都無咩嘢。」港媽聞言後勃然大怒，「幾十歲人喺公園同細路踢波，踢咗落個坐喺BB車度嘅BB，你就梗係無嘢啦，有嘢嘅係個BB嘛」，更批評當時該名監護人未有前來了解情況便直接離開，直斥「呢啲叫肇事逃逸呀」！

港媽拍攝一張康文署的告示牌。FB圖片

港媽發文欲公審涉事男子，卻遭網民批評，指照顧小孩為家長的責任，更質疑為何涉事的父母沒有注意附近的情況，「公共場所，只有父母要對自己BB安全負責任！」、「保護小朋友其實靠父母，如果見到附近有一班比較大嘅小朋友就唔應該行埋去，佢地踢緊波就更要遠離」、「如果附近有人踢波，做父母嘅無警戒心，就係你哋嘅責任，所以我覺得個男人嘅態度冇問題」。港媽亦拍攝了一張康文署告示牌，卻遭網民指「你無留意到個遊樂場為2至5歲而設，唔係1歲左右」。

有網民則認同港媽有權追究責任，「大家使用公共設施，難免有碰撞，但唔係一句無心就若無其事，連慰問都唔需要」，亦有人指公園為小朋友玩遊樂設施的地方，故不應有足球出現，「呢件事嘅重點係點解有個波喺公園飛來飛去」！

港媽指其1歲女童在公園食「波餅」，涉事男子竟遠處道歉了事。資料圖片

資料來源：生仔要考牌系列

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

示意圖片

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

示意圖片

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

示意圖片

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

示意圖片

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。

示意圖片

帖文來源：連登討論區