開騷前突然氣管敏感 Jer柳應廷：係咁收縮好辛苦

《拉闊音樂會》今晚開鑼。

男團MIRROR成員姜濤和柳應廷（Jer），今晚將與林家謙和Tyson Yoshi（程浚彥），一同演出商台舉辦的《拉闊音樂會》，日前四人一起綵排給傳媒採訪，各人狀態相當不錯。

但昨晚Jer在IG留言透露氣管敏感發作。

正當樂迷期待四子今晚台上演出時，阿Jer昨晚在IG限時動態，以黑底白字留言指身體不適很辛苦，令人擔憂。

日前出席綵排時還精神奕奕。

阿Jer昨晚留言謂：「開騷又嚟氣管感敏……喺咁收縮好辛苦。」雖然只是短短兩行留言，但見他用黑底，反映到他的心情明顯沉重，希望Jer快點康復，身體健康才最重要。

希望Jer盡快康復。

早前MIRROR另一成員、今晚亦有份演出的姜濤，也因疑體力不支及不適，當眾在活動上暈倒，當時他正趕拍新戲，而Jer其實亦有份拍攝，不過他比姜濤早幾日煞科，隨即便投入今晚音樂會綵排，同樣是忙個不停。

不少歌迷期待今晚四子演出。

早前Jer（右三）和姜濤（右四）一同趕拍新戲。

Jer（白衫）曾被拍到和姜濤拍攝爭執場面。

四子今晚演出《拉闊音樂會》，但Jer昨晚卻透露身體不適。

Jer柳應廷高唱我行我素走我路！

由推出第一首單曲《水刑物語》開始，柳應廷Jer就一直在創作與主流音樂作品迴異的歌曲，每一首歌曲為樂迷帶來驚喜的同時，有時亦會予人怪誕感覺。不過Jer卻覺得怪誕都有其獨特魅力，就好似他的偶像導演添布頓Tim Burton，受人愛戴追捧，而新歌《筆觸男孩憂鬱之死》，就是唱出Jer在音樂創作路上的心聲。

柳應廷（Jer） 以怪誕造型拍新歌《筆觸男孩憂鬱之死》MV。

Jer鍾情添布頓的作品，今次《筆觸男孩憂鬱之死》的創作靈感，也來自添布頓。Jer道：「我好喜歡添布頓創造嘅世界，不論畫作還是電影，荒誕得嚟又帶有獨特嘅魅力，《筆觸男孩憂鬱之死》就係由佢畫家同導演呢個角度去切入：無論你係乜嘢人，只要相信自己，堅持做自己覺得啱同開心嘅事，最終會建構到屬於自己嘅世界。」Jer深信，不論做任何作品，只要堅持自己，到後來回望，就會見到由自己一手打造，屬於自己的音樂路。

受導演添布頓影響。

堅持創作信念。

所以今次《筆觸男孩憂鬱之死》，Jer便找來全新班底合作，包括作曲的T-Ma及填詞的鍾說，來個新嘗試，Jer很喜歡這個組合，道：「 T-Ma好快就諗到好得意，市面上又唔多見嘅旋律，至於鍾說，我哋傾歌詞內容時，都不其然講起尊尼特普（Johnny Depp）同添布頓，於是我哋就諗到不如用畫家角度，唱出我嘅想法。」鍾說特別在歌詞中加入了一些添布頓電影的元素，大家聽歌時可以細心發掘一下。

新歌高唱我行我素走我路。

既然歌詞裡面出現了添布頓的元素，今次MV也就順利成章，讓Jer以怪誕造型演出，Jer介紹道：「我好鍾意電影《怪誕屍新娘》（Corpse Bride），所以MV其中一個黑白間西裝造型，靈感就係來自電影裡面嘅主角Jack，而我身上嘅玩具：恐龍、權仗、車、玩具珠寶等等，其實代表每個人內心嘅慾望。除此之外，我個妝就好似一個畫家喺我塊臉上面繪畫，畫咗唔同嘅彩繪。」而Jer飾演的瘋狂角色，就是一位創造家，在甦醒帶大家參觀他所創造的地下收藏室。Jer繼續介紹MV道：「其他角色嘅眼耳口鼻都畫喺唔同地方，呢啲都係我所創造嘅人物。喺收藏室裡面，每通過一度門，就好似帶聽眾逐步深入我嘅收藏世界。」

Jer帶大家走入怪異世界。

添布頓被形容為怪誕導演，那麼Jer也是一個怪誕的人嗎？他親自解構道：「我都係一個怪怪地嘅人，因為我鍾意玩，行為有時都有啲怪異，例如成日大叫、暴走，打牌自摸都會咁，我有時都控制唔到，玩起上嚟就會好癲，所以我唔驚『怪誕』呢個形容詞，亦唔覺得陌生，只要自己開心Enjoy就得，實行用自己魅力感染人哋。」

Jer以怪誕造型演出。