辦公室搞婚外情後果可大可小。有網民指其公司一對各有家室的男女同事陷入婚外情，而大家知悉事件，竟是因為男方突然在社交媒體Facebook上發文公開這段不倫關係，當中除了向妻子道歉外，甚至還標註了涉事女同事，令全公司都感到非常尷尬，而事件兩名主角最終兩敗俱傷。
有網民向Facebook專頁「辦公室日報」投稿，指其公司一名男同事早前突然請了半天假，當日下午在Facebook發出一則公開帖文，內容提及他跟公司另一名已婚女同事有婚外情：「佢對唔住老婆，要公開向身邊嘅人道歉，仲話自己抵X死之類嘅說話」，更在帖文直接標註任職的公司，以及該名與她鬧不倫戀的女同事。
unsplash示意圖片
不出10分鐘，事件已傳遍整家公司，老闆得知後極為震怒，以粗口大罵：「搞咩呀？痴X咗線呀？快啲叫佢delete個post呀！搵呢啲嘢嚟玩！」投稿的網民指任職的是大公司，形容「有心人要起底絕對唔難」，又指帖文令事件的女主角遭同事投以異樣目光，各人都不敢走近，場面極為尷尬。
unsplash示意圖片
涉事女同事其後被老師召入房，其後簡單執拾後便離開公司，表示需請半天假，翌日男女主角均沒再上班，據說已一起賠錢辭職，但未知是自願請辭或被辭退。有知情同事爆料指，帖文是該名男同事的妻子強迫發出，「好似話唔出就會有更嚴重後果，我哋估計係有更多證據，唔出post就擺上連登，又或者會衝上嚟大鬧office啩」。
unsplash示意圖片
有關分享引起熱議，不少網民認為「男主角」妻子似乎手握大量通姦證據，才足以迫使丈夫「玩咁大」，「地球post （公開帖文）擺明老婆迫啦」、「個老婆好勁... 咁樣做對方fd的人都知道晒」，亦有人同情「女主角」的丈夫，「最傷嘅可能係女同事老公，戴帽咁大件事」。另外有網民笑言，「偷食就唔好食同公司」、「寧得罪小人，莫得罪女人」。
資料來源：「辦公室日報」FB
已婚男同事在Facebook公開與女同事的不倫戀，令全公司感到非常尷尬。《幕後玩家》劇照
