勁親民。
英皇電影《阿媽有咗第二個》拍攝近一個月終於煞科，主角毛舜筠同柳應廷（Jer）首次合作演母子，早前「兩母子」現身西貢拍煞科戲，收工後劇組人員紛紛同Jer開心舉機集郵留念！
點擊看圖輯
由彭秀慧執導的《阿媽有咗第二個》，柳應廷（Jer）經過多次試鏡，最後成功獲得角色，跟前輩毛舜筠做母子，有發揮之餘，戲份亦不少。電影日以繼夜拍攝一個月，最近劇組終於煞科，而Jer與姜濤煞科時間不同。
早前Jer就跟毛姐（毛舜筠）現身西貢拍外景，當日拍攝一場兩人在車上傾偈的場口，黃昏前終於收工，已經完成所有拍攝的Jer和劇組人員一起拍手歡呼，互相給予鼓勵！
現場所見，Jer雖然沒有助手跟身，但一向獨立的他照顧自己冇難度，加上一個月相處已經和劇組人員打成一片，收工後換回便服的Jer跟工作人員合照留念，見他每張相都笑逐顏開，相當親民！證明拍攝順利又開心。
全程任影唔嬲！
好唔捨得大家！
由彭秀慧執導的《阿媽有咗第二個》，柳應廷（Jer）經過多次試鏡，最後成功獲得角色，跟前輩毛舜筠做母子，有發揮之餘，戲份亦不少。電影日以繼夜拍攝一個月，最近劇組終於煞科，而Jer與姜濤煞科時間不同。
電影《阿媽有咗第二個》拍攝近一個月終於煞科。
早前Jer就跟毛姐（毛舜筠）現身西貢拍外景，當日拍攝一場兩人在車上傾偈的場口，黃昏前終於收工，已經完成所有拍攝的Jer和劇組人員一起拍手歡呼，互相給予鼓勵！
姜濤和Jer合作拍電影當然勁開心！
現場所見，Jer雖然沒有助手跟身，但一向獨立的他照顧自己冇難度，加上一個月相處已經和劇組人員打成一片，收工後換回便服的Jer跟工作人員合照留念，見他每張相都笑逐顏開，相當親民！證明拍攝順利又開心。
已經完成所有拍攝的Jer，臨走時與劇組人員拍照留念！
Jer柳應廷高唱我行我素走我路！
由推出第一首單曲《水刑物語》開始，柳應廷Jer就一直在創作與主流音樂作品迴異的歌曲，每一首歌曲為樂迷帶來驚喜的同時，有時亦會予人怪誕感覺。不過Jer卻覺得怪誕都有其獨特魅力，就好似他的偶像導演添布頓Tim Burton，受人愛戴追捧，而新歌《筆觸男孩憂鬱之死》，就是唱出Jer在音樂創作路上的心聲。
柳應廷（Jer） 以怪誕造型拍新歌《筆觸男孩憂鬱之死》MV。
Jer鍾情添布頓的作品，今次《筆觸男孩憂鬱之死》的創作靈感，也來自添布頓。Jer道：「我好喜歡添布頓創造嘅世界，不論畫作還是電影，荒誕得嚟又帶有獨特嘅魅力，《筆觸男孩憂鬱之死》就係由佢畫家同導演呢個角度去切入：無論你係乜嘢人，只要相信自己，堅持做自己覺得啱同開心嘅事，最終會建構到屬於自己嘅世界。」Jer深信，不論做任何作品，只要堅持自己，到後來回望，就會見到由自己一手打造，屬於自己的音樂路。
受導演添布頓影響。
堅持創作信念。
所以今次《筆觸男孩憂鬱之死》，Jer便找來全新班底合作，包括作曲的T-Ma及填詞的鍾說，來個新嘗試，Jer很喜歡這個組合，道：「 T-Ma好快就諗到好得意，市面上又唔多見嘅旋律，至於鍾說，我哋傾歌詞內容時，都不其然講起尊尼特普（Johnny Depp）同添布頓，於是我哋就諗到不如用畫家角度，唱出我嘅想法。」鍾說特別在歌詞中加入了一些添布頓電影的元素，大家聽歌時可以細心發掘一下。
新歌高唱我行我素走我路。
既然歌詞裡面出現了添布頓的元素，今次MV也就順利成章，讓Jer以怪誕造型演出，Jer介紹道：「我好鍾意電影《怪誕屍新娘》（Corpse Bride），所以MV其中一個黑白間西裝造型，靈感就係來自電影裡面嘅主角Jack，而我身上嘅玩具：恐龍、權仗、車、玩具珠寶等等，其實代表每個人內心嘅慾望。除此之外，我個妝就好似一個畫家喺我塊臉上面繪畫，畫咗唔同嘅彩繪。」而Jer飾演的瘋狂角色，就是一位創造家，在甦醒帶大家參觀他所創造的地下收藏室。Jer繼續介紹MV道：「其他角色嘅眼耳口鼻都畫喺唔同地方，呢啲都係我所創造嘅人物。喺收藏室裡面，每通過一度門，就好似帶聽眾逐步深入我嘅收藏世界。」
Jer帶大家走入怪異世界。
添布頓被形容為怪誕導演，那麼Jer也是一個怪誕的人嗎？他親自解構道：「我都係一個怪怪地嘅人，因為我鍾意玩，行為有時都有啲怪異，例如成日大叫、暴走，打牌自摸都會咁，我有時都控制唔到，玩起上嚟就會好癲，所以我唔驚『怪誕』呢個形容詞，亦唔覺得陌生，只要自己開心Enjoy就得，實行用自己魅力感染人哋。」
Jer以怪誕造型演出。
