事隔40年再著戰衣 譚玉瑛：《430穿梭機》改變一生

懷念。

由譚玉瑛、黎芷珊及蓋世寶擔任主持的TVB節目《童你一起長大了》在本周日（3日）首播，節目將會邀請不同年代的兒童節目主持聚首一堂，細數當年點滴及分享近況、還原經典兒童節目環節、遊戲以及介紹經典兒童節目角色人物；另製作組更花了不少功夫炮製了一個類似《尋人記》的環節，尋找昔日參與過兒童節目拍攝的小朋友，和大家分享其珍貴回憶及經驗。

張國強當年真係好Pure好True。

TVB當年的兒童節目亦孕育出不少出色藝人，包括梁朝偉、周星馳、鄭伊健、曾華倩及朱茵等，雖然眾人現在均異常忙碌，但據知當中有人將以「特別方式」現身為昔日戰友打氣兼與觀眾見面。

譚玉瑛姐姐好青蔥呀！

日前早期兒童節目《430穿梭機》一眾主持聚首TVB為首集《童你》錄影，為加重回憶的味道，特登找專人為當年《430》兩位「機長」譚玉瑛及張國強度身訂造戰衣。

譚玉瑛姐姐會喺節目入面分享往昔拍攝節目點滴。

與此同時，節目組還準備了當年兒童節目中的珍貴片段與觀眾分享，譚玉瑛的昔日珍貴水著Look，當年兩位機長青春無敵，譚玉瑛更有著「無綫小花」的氣質與味道。

出名硬淨的譚玉瑛在節目錄影期間數度感觸落淚。

向來予人感覺硬淨兼見盡風浪的譚玉瑛，當穿起滿載回憶的銀色機長戰衣，忍不住眼眶紅了一圈，感觸指回憶恍如重返回1982年，並謂《430》改變了她的一生：「估唔到一個節目，令我做咗咁多年譚玉瑛姐姐。」

《430穿梭機》兩大機長。

譚玉瑛還大談與昔日一眾拍檔的相處點滴，期間忍不住含淚感觸謂：「依家要齊人再見番真係難上更難，所以真係要珍惜眼前人。」

譚玉瑛感觸地表示想不到一個節目，令自己做咗咁多年譚玉瑛姐姐。

鼎爺自感未盡孝道！

譚玉瑛（阿譚）與何基佑主持的新城節目《QK玉瑛室》，前日（3月26日）邀請了阿譚昔日好拍檔李家鼎（鼎爺）接受直播訪問。

李家鼎接受新城《QK玉瑛室》主持人譚玉瑛、何基佑訪問。

因電視節目《阿爺廚房》鼎爺與阿譚拍檔5年成為好拍檔兼好朋友，兩人在節目中大談拍攝飲食節目點滴。在《阿爺廚房》中煮過逾百道菜式的鼎爺，由切菜到煮菜都不假手於人，對購買材料更是相當有要求，他直言有次就因為買餸被一位女性工作人員差點激暈。在節目開拍前3天，鼎爺準備開拍當日要蒸泥鯭，便與一位女同事一起到街巿教她揀泥鯭，讓她拍攝當天到街市購買時知道點揀：「我話手掌咁大條就蒸，半隻手掌的就用來煲湯！」

到了拍攝當日，攝影師問他條魚點蒸？他一看，「條泥鯭手指公咁大，我真係㷫到出唔到聲！」其他工作人員立即慌了，各人分別將九龍區所有街巿的大泥鯭全買回來，幸而最終都能順利拍攝。

鼎爺自爆拍攝《阿爺廚房》時，因為買餸被一位女性工作人員差點激暈。

跟嚴父學廚如考牌 錯一步驟即放低筷子
主持何基佑直言鼎爺一向給人霸氣、惡形惡相感覺，鼎爺爽快直認：「我教學生時好惡，其實係想佢哋學到嘢啫！」而他的嚴厲及嚴肅原來繼承自「嚴父」。鼎爺童年時已開始跟爸爸學廚，而第一道自己一手一腳煮出的菜式就是木薯麵醬煮肥豬肉，他憶述當年爸爸問道：「點解要你煮呢？想睇你食唔食得出味道係點？」

鼎爺記憶中的爸爸對煮食相當講究和執着，就連落調味料的先次序都不可以錯，「要落糖先，可以扯走啲唔好嘅味。如果落鹽先，會鎖死咗啲味，啲糖入得唔好，食物就只有5成！」只要他做錯任何一個步驟，爸爸就會一言不發走開，着他下次再煮。爸爸從不會落手落腳教導，鼎爺只能在旁偷師，當煮得不好時，爸爸就連一口也不會吃，隨即放低筷子：「你兩兄弟食埋佢啦，又係眼淚餸飯！」更不會提點半句：「叫佢自己諗啦，話畀佢聽只會水過鴨背，等佢諗通了，佢自己呢世都識！」

左起：譚玉瑛、李家鼎、何基佑

鼎爺在節目中自感未盡孝道眼濕濕
講爸爸的事迹時，鼎爺滔滔不絕，但每當提到媽媽，他頓時眼濕濕說：「媽咪真係好錫我！」反而作為兒子的他感到對媽媽有所虧欠，未有做到盡孝本份，連好拍檔阿譚亦說，只要鼎爺一提到媽媽便流淚，為免他再一次淚崩，主持亦只能轉移講題。

鼎爺工作時認真嚴厲，但也有風趣一面，阿譚被鼎爺大爆好鍾意購買「去到邊買到邊」，有次攝制隊到一間香料舖買材料，鼎爺豪言：「今日譚玉瑛唔買嘢，我拎2,000蚊出來萬歲！」最後不出所料，臨收隊前，阿譚折返買了數十元香料，讓大家啼笑皆非。

鼎爺在節目中自感未盡孝道，一度眼濕濕。

詳細精彩內容，請重溫3月26日，新城知訊台《QK玉瑛室》節目 ，重溫網址：https://www.metroradio.com.hk/MetroInfo/