寓工作於娛樂 吳業坤周奕瑋日本美食大放送

好羨慕啊～

《＃好掛住日本》明晚（4日）播出的第四集，吳業坤（坤哥）及周奕瑋（Jarvis）將會前往和歌山，並繼續為大家尋找驚天地、泣鬼神美食，包括爆汁和歌山馳名川中島桃、殺入黑潮市場的「吞拿魚解體操」品嚐吞拿魚珍貴刁鑽位、高級和風法式料理以及和歌山頂級和牛熊野牛！

本集會介紹即劏即食吞拿魚。

歎和歌山頂級熊野牛。

帶電車迷朝聖。

另外，二人還會帶電車迷到「和歌山人氣鯛魚火車」朝聖，以及為香港待嫁人妻送愛到日本，相當精彩。

今集都有特別「信鴿」任務，就係幫身處香港嘅待嫁人妻送愛到日本。

一眾美食中，以和歌山果園最為抵玩，只需2,000 Yen（約HK$ 139）即可親嘗採桃滋味，以及無限時無限量品嚐美味爆汁和歌山馳名的川中島桃，睇見都流口水。

馳名和歌山川中島桃。

Jarvis話和歌山的桃是整個Trip排名第二美食，好大個呀！

又一狼吞虎嚥鐵證。

二人亦享受「豪遊」滋味，入住了一間別具特色的貴價溫泉酒店，該酒店看似平淡但卻相當「古惑」，因為浸溫泉的淋浴間採用了「開篷跑車」式設計，牆壁竟可「降落」及「打開」，讓住客可隨心所欲欣賞一望無際海景。

溫泉酒店，環境寬敞舒適。

「開篷式」嘅設計唔單止好玩，仲方便住客隨心所欲咁享受無邊際靚海景。

你睇坤哥幾chill！

坤哥與Jarvis更一泊二食品嚐高級「和風法式料理」，期間二人更為「食相」互寸，相當大細路。由於該酒店極盡感官享受，因而收費不菲，每位住客收費由45,000Yen（約HK$ 3,130）至55,000Yen（約HK$ 3,826）不等！

浸完溫泉，食和風法式料理醫肚！

Jarvis興奮打卡，順帶一提呢個點刺身用嘅「白醬油泡沫」，好特別架！想知有幾特別？睇節目咯！

黃翠如、周奕瑋及C君首度碰頭已經好有「火花」！

全新綜藝節目《渣打優先理財特約： Grand 住去台北》，由今晚（20日）開始，一共兩集於周六晚九點翡翠台播映。節目由拍攝旅遊節目經驗豐富的黃翠如及周奕瑋（Jarvis），首度夥拍名嘴兼「綜藝大腦」C君擔任主持，以「相愛相殺」的搞笑互寸方式，帶領觀眾體驗香港人最愛旅遊熱點之一的台北的不一樣豪華體驗，並齊齊首度體驗包機外遊滋味。

三位首度碰頭已經好有「火花」。

DoDO姐好搶鏡。

呢間一星米芝蓮餐廳嘅每一道菜都好有特色，三位主持都食很好開心。

以介紹衣食住行豪華新體驗為宗旨的《Grand住去台北》，今晚播出的第一集將介紹三大特色豪華體驗，包括連續六年獲得米芝蓮的一星當代料理餐廳、五星級豪華露營車體驗，及充滿藝術氣息兼有無限打卡位的台灣新興精品商場。先說米芝蓮一星餐廳，除了8道特色料理只需約970港元CP值夠晒高，每道菜選用的材料亦甚有特色，先後有紫色海膽汁、台灣地道蔥油餅，及檳榔入饌等，其中一味石班魚更令三隻搗蛋鬼玩個不停。食完大餐，三人與負責設計及主理菜式、來自香港的廚師Chef Kin閒談，Chef Kin開心share了在台灣創立富有自己特色料理的進程，並指料理特色是呈現「廚師本身的故事及心路歷程」，C君聞言即感嘆謂：「我哋食咗你嘅人生。」

食食吓仲搞埋爛Gag。

每一道菜其實都係Chef Kin嘅人生同經歷縮影。

翠如為咗影靚相無所不用其極。

Room Tour都搞到好歡樂。

球場得意嘅翠如，喺煮場就相當失意。

體驗露營車期間，翠如則模特兒上身大晒玉臂跪求「攝影擔當」C君影靚靚寫真，Room tour期間三人再度大玩床照沙龍，C君更驚爆翠如是風水物：「黃翠如係風水物，佢喺任何地方啲風水都好好多架！」之後三人各自在精品商場搵節目，翠如獨自到了一間以文青風做主打的書店尋寶，並大爆自己出Trip時的怪癖：「我去到唔同國家都會買一本書，仲要買當地嘅語言，所以喺唔同國家買嘅書，我全部都係睇唔明，但我就係鍾意擺喺度。例如我有本德文書、一本非洲雜誌等，雜誌係我好鍾意買嘅嘢，因為可以睇到當地人嘅生活。」

搞到C君嬲嬲豬。

翠如自揭怪癖，就係鍾意買埋啲睇唔明嘅書。

三人出發之前，在香港機場亦有趣事發生，就是偶遇了英文名叫DoDo的靚女地勤，DoDo更配合三位無聊的主持大玩爆肚式「角色扮演」，盡顯美貌與喜感一面，令C君大感驚艷之餘，亦為整集節目加添了一個小彩蛋。

Jarvis去咗學滑雪，個樣都幾驚青喎。

翠如另外仲去咗一個好有特色嘅展覽。