王馨平同老公慶祝結婚20周年 兼賀舅父曾江87歲生日

雙倍開心～

王馨平（Linda）與金融才俊老公李家輝結婚的結念日，跟她舅父曾江的生日相近，所以多年來甥舅都會約在一起慶祝。

四口子一起慶祝，有酒有蛋糕。

Linda今日（3日）在社交網貼上與舅父曾江、舅母焦姣、她和老公四口子舉杯慶祝合照，留言：「舅父生日，又逢我們結婚周年，值得慶祝一下。」還有一張她與老公拿著寫有「鶼鰈情深」字畫的照片，感謝好友送給他們結婚紀念：「多謝好友麥先生題的字，中國書法講究字體含意，學問博大精深，感激感恩！祝福大家都事事順心，身體健康」！

王馨平與老公慶祝結婚20周年，也跟舅女焦姣齊賀舅父曾江87歲生日。

朋友送給王馨平夫婦的字畫。

好友林漪娸都在出席慶祝活動，她貼文留言：「王馨平是我其中一位好知己，時間真係過得好快，轉眼間你又結婚20年！恭喜恭喜！永遠開心快樂！」晒與王馨平夫婦合照外，也有祝賀曾江87歲生日。

仲有同曾江合照慶祝。

林漪娸都有到賀好友。

8強選手將聯乘8位歌手合唱，爭奪最終殺入決賽的7強名額

歌唱真人騷《香港何濟公止痛退熱散呈獻：中年好聲音 2》，17日9點翡翠台播出，節目由車婉婉擔任主持。本集是最終樂章．第二回《決賽前哨戰！歌手助力賽！》，8強選手將聯乘8位歌手合唱，爭奪最終殺入決賽的7強名額，此回合繼續有肥媽、伍仲衡、張佳添、周國豐和陳慧嫻擔任評審。17日晚一集最亮眼選手是古淖文！淖文與「恩師」谷婭溦合唱《Bad Boy》，兩人以型爆黑銀Look上陣，溦溦大玩透視誘惑晒小背心，非常惹火！兩人High爆跳唱《Bad Boy》引爆全場氣氛，婉婉更笑言兩人像「麻辣火鍋」，最終兩人獲得95分佳績，平了大魔王安雅希創下的95分紀錄，表現亮眼。對於淖文的演出，伍仲衡說：「你好屬於舞台，你係今屆加埋上屆One of the most壓台，點解未畀到19分？因為我覺得未夠曳！」給了滿分20分的陳慧嫻笑言：「伍sir你後知後覺啦，我一早話咗佢係巨星嚟。」

古淖文、谷婭溦嘅《Bad Boy》真係冇得輸。

谷婭溦開心到飛撲古淖文。

伍Sir叫淖文要再曳啲。

陳慧嫻繼續讚淖文係巨星。

與林志美合唱《我要我們在一起》的黃劍文同樣表現亮眼，劍文今次非常聽話唔再揸結他，解放盤骨晒舞功，劍文與林志美邊唱邊跳舞，甚有舞台劇感覺！伍仲衡說：「基本上你唔係唱歌，而係演緊戲，我係覺得你同我心靈講緊嘢，你畀我見到一個全新面貌嘅黃劍文，我好享受成個表演。」周國豐亦大讚：「我冇見過你跳舞，但又OK喎，完完全全係一個高水準表演。」最終劍文憑住出色表現首度獲得MVP，愈戰愈強！

黃劍文唔玩自彈自唱，轉玩跳舞都有啲料到！

伍Sir話好似睇緊舞台劇咁。

周國豐話估唔到劍文跳舞都ok。

黃劍文首度獲得MVP。

陳俞霏亦迎來大爆發，她與王馨平以黑白雙煞造型上陣合唱《多得他》，兩人一唱一和非常合拍，俞霏的老公亦有到場支持太太，非常有愛。最終俞霏獲得90分佳績，張佳添大讚：「你個頭開得好好，能量好好，兩個把聲黐埋係一種好strong嘅女性能量，你今次係喺我心目中最好一次嘅表現。」對於能夠和王馨平合作，俞霏十分感激對方照顧，她哭着說：「大部分人覺得我係蒸生瓜（唔夠成熟），馨平老師畀到好大動力我，一次又一次鼓勵我，好難得有一個前輩咁樣去幫一個後輩，每一句鼓勵都係溫暖緊我。」劉威煌與彭家麗合唱《煩》，來到準決賽威煌竟然膽生毛挑戰唱Rap，可惜最終唔work，伍仲衡說：「有咩理由semi final試新嘢，你嗰段rap係令我更加扣分，唔好喺比賽嘗試唔擅長嘅嘢！」最終威煌僅獲82分，在累積排名榜包尾，8強止步。

陳俞霏（白衫）同王馨平合唱《多得他》。

陳俞霏老公（右）都有到場支持

陳俞霏爆喊感激王馨平嘅鼓勵。

張佳添大讚陳俞霏嘅演出。

劉威煌玩新嘢出事，無緣決賽。

《中年好聲音2》7強名單最終如下（排名不分先後）：安雅希、陳俞霏、黃劍文、譚輝智、古淖文、顏米羔、沈宗賢

7強名單出爐。