六位主持即場玩遊戲，十分投入。
呂爵安（Edan）、岑珈其、魏浚笙（Jeffrey）、徐浩昌（肥腸）、黃正宜 （阿正）及劉沛蘅（Hillary），再度合作主持ViuTV節目《膠戰S2》，節目將於本周日（10日）首播，今日一眾主持齊集九龍灣出席宣傳活動。他們䁥稱為「六膠」，即場玩遊戲兼接受大懲罰，Edan和岑珈其要以肚夾爆氣球，由於二人高度有差異，令氣球夾在尷尬的位置，全場爆笑。Edan期望《膠戰》可以成為長壽節目，又指今次以外景為主，Edan難忘在商場四圍狂跑致幾乎暈倒：「跑到標冷汗，上氣唔接下氣，即刻坐低唞唞，唔好搵命博。」而Jeffrey則曾到鬼屋拍攝，直認被嚇破膽。
點擊看圖輯
另外，Edan、張天賦（MC）和曾比特（Mike）成為今年新人獎大熱，但卻被疑似炎明熹fans踩實力不足；只贏得人氣，Edan表示：「我唔會話自己歌藝好好，自己知自己咩事，但MC、Mike唱歌係勁，藝人多方面綜合，我會努力提升音樂。」Edan對獲獎信心隨緣。此外，同樣有Rapper批評MIRROR只得外表，Edan自嘲：「我分分鐘連樣都冇，但我哋勝在12人唔同樣，一定有一款啱你。」並力撐隊友各有不同才華。
Edan和Jeffrey近日經常以孖公仔一同出現。
至於MIRROR早前疑被港台抵制，不少成員出新歌未能上榜；甚至零播放，直至近日盧瀚霆（Anson Lo）的《Megahit》才成功上港台榜，Edan表示沒留意，也不會刻意到電台打招呼要求播放歌曲。
六位主持即場玩遊戲，十分投入。
Jeffrey和Hillary用背脊夾氣球。
另外，Edan、張天賦（MC）和曾比特（Mike）成為今年新人獎大熱，但卻被疑似炎明熹fans踩實力不足；只贏得人氣，Edan表示：「我唔會話自己歌藝好好，自己知自己咩事，但MC、Mike唱歌係勁，藝人多方面綜合，我會努力提升音樂。」Edan對獲獎信心隨緣。此外，同樣有Rapper批評MIRROR只得外表，Edan自嘲：「我分分鐘連樣都冇，但我哋勝在12人唔同樣，一定有一款啱你。」並力撐隊友各有不同才華。
Edan（右）和岑珈其則以肚來夾，但位置有點尷尬。
Edan和Jeffrey近日經常以孖公仔一同出現。
至於MIRROR早前疑被港台抵制，不少成員出新歌未能上榜；甚至零播放，直至近日盧瀚霆（Anson Lo）的《Megahit》才成功上港台榜，Edan表示沒留意，也不會刻意到電台打招呼要求播放歌曲。
六位主持因合作成為好朋友。
被疑似炎明熹fans批評，Edan大方回應。
呂爵安及魏浚笙等主持，出席《膠戰S2》記者會。
呂爵安新mv自己有份構思。
呂爵安Edan的E式情歌每次都帶來驚喜，而今次新歌〈油麻地莎士比亞〉，便驚喜地與創作團隊製作了一個很貼地、充滿港式情懷的MV，不過更驚喜（還是驚嚇？）是歌名無意中提早劇透了，就連Edan本尊都嚇親，不過幸好未有影響其他細節。另外，Edan這次有份參與構思MV畫面，事後更坦言希望日後能親自執導MV。
呂爵安與創作團隊製作了一個很貼地、充滿港式情懷的MV
如果有留意Edan Instagram account，都會一早知道歌名叫做〈油麻地莎士比亞〉，Edan回想這事也自覺失策，他說：「喺錄音最後一日，好興奮想同大家Share劇透少少，影咗歌詞Share Story，點知Post完好快就見到有人講〈油麻地莎士比亞〉，我都即刻嚇親，究竟乜嘢事？點解講咗歌名？然後都肯定自己唔小心Post咗出嚟。」Edan自爆歌名後，原本都有想過刪除Story，但都知大遲了，更說：「反正都Seven咗，咪俾大家知道囉！其實都冇乜所謂，係命運安排先發生咗呢件事情。」
說回歌曲，今次再有〈E先生連環不幸事件〉的班底：溫瀚文加上李俊緯作曲，黃偉文填詞、Edward Chan監製參與，Edan形容是一個很神奇的合作，他說：「Edward搵啲作品返嚟，通常我都唔會知邊個作，純粹聽Demo 俾我感覺，同埋Base On 旋律，係去到好後期先知溫瀚文有份寫，所以都好Surprise，因為〈E先生〉之後都冇唱過佢寫嘅嘢，所以一知係Raymond寫，就覺得好奇妙，有一種Connection喺度。」歌詞方面，Wyman這次也寫了一個很有意思的題材，Edan十分喜歡，他回憶歌詞誕生過程道：「我同Wyman、Edward有個Group，俾咗Demo Wyman聽之後，某日佢話諗到條橋，叫我聽下鍾唔鍾意，條橋就係〈油麻地莎士比亞〉。」而歌詞概念，其實就是講述一個中文水平很低的男生，每日都寫一首詩送給喜歡的女生，大眾可能會覺得男生寫的內容很奇怪、字體核突，用字又唔夠靚，但其實這已是男生認識的字裡面最靚的用字。歌曲想表達誠意同心意，比出來成品有多好來得緊要。
mv有不少Edan寫詩追女仔畫面
mv畫面截圖
mv畫面截圖
mv畫面截圖
Edan透露，其實自己過去都試過用類似方法追女仔，他回憶道：「求學階段試過想追一個女仔，有一個好好朋友嘅中文補習阿Sir就教我每日寫篇文俾對方，佢話自己都係用呢招，用誠意打動咗個女仔，叫我不如都試下，咁我都每日Send Message，打篇文俾佢，都持續咗百幾日，但最終係失敗咗。所以聽完Wyman講，都覺得現實中真係有男仔會咁做。雖然呢件事唔一定Work，但就好Sweet。」不過Edan亦提示大家：「呢招唔可以亂用，有時有啲嘢冇得夾硬嚟，係真係打動緊人還是煩緊人，兩睇。」
Edan透露，其實自己過去都試過用類似方法追女仔
mv畫面截圖
因為歌曲背後的有趣想法，來到MV裡，Edan變身成為了茶餐廳外賣仔，他喜歡了一個經常嗌外賣的女生，而故事就由這裡展開。Edan表示：「角色塑造成貼地啲嘅男生，但鍾意一個藝術少少嘅女仔，想追佢，於是用佢唔擅長嘅方法，就係寫詩寫字，寫得好核突好奇怪，但用心意誠意打動佢。」為了呈現這個充滿港式情懷的故事，MV裡設計了很多可愛的畫面，他說：「裡面有啲好可愛嘅畫面，例如放到成枱外賣盒，要諗寫啲乜嘢俾佢，喺茶餐廳練習點樣喺高級餐廳向對方表白，寫喺手掌向對方表白等等，呢啲都係好可愛，又青春又貼地嘅故事情節。」
MV裡，Edan變身成為了茶餐廳外賣仔，他喜歡了一個經常嗌外賣的女生
mv裡面有啲好可愛嘅畫面
青春又貼地嘅故事情節
其實MV裡一些有趣的畫面，Edan都有參與構思，他解釋道：「今次參與度又比以往多少少，因為同導演已經合作過好多次，好多謝佢哋願意俾我去嘗試一啲我想像、覺得可能好睇嘅畫面。老實講，我冇學過任何有關導演嘅嘢、拍攝上嘅嘢，但係入行耐咗，漸漸地會有啲想法，平時冇機會嘗試，今次可以即席創作。佢哋都會俾專業意見話俾我聽可唔可以，然後再試。」Edan坦言都唔肯定出來效果如何，但這是難得的經驗。那麼日後可會嘗試做導演？Edan道：「都有咁嘅念頭，但我未必係一個可以由零開始生一嚿嘢出嚟嘅人，我比較鍾意喺有條橋嘅情況下，喺上面再生啲嘢出嚟。如果有機會，我都想第時有隻歌我真係同佢哋一齊玩，但係我做導演的話，大家從旁幫助我，都希望日後有咁嘅作品，因為平時都冇咁嘅機會嘗試，自己MV就可以自肥試吓！」
